المقادير :
2 كيك جاهز شوكلاته اللي بالعلب القصدير
بسكويت شاي (( انا استخدمت دايجستيف ))
شوكلاته سايله (( صوص الهيرشي مثلااا ))
2 قشطه
2 ظرف دريم ويب
5 جبن كيري
نسكويك
كورن فلايكس اللي يجون دوااائر صغيره بالكاكاو
الطريقة:
(1) تجيبين الكاسات البنيه
(2) تقطعين الكيك وتحطين في القاعة الكاس بتكون ذي اول طبقه
(3) في خلاط العصير تحطين 2 قشطه + 2 دريم ويب + 5 جبن كيري (( نضيف استكانه ماي بالخلاط ))
(4) بعد ماتخلطين القشطه (( تقسمين الخلطه الى قسمين ...نصه تخلينه مثل ماهو والنص الثاني تحطين عليه نسكويك وتخلطينه بالخلاط ..يعني راح يكون عندنا خلطتين وحده بيضه وحده بالكاكاو ))
وعقب تاخذين مقدار ملعقه صغير من الخلطه البيضه وتحطينه على الكيك بالاكواب
(5) عقب تحطين خطوط من صوص الهيرشي
(6) بعدين تنثرين بسكويت الدايجستيف فوق الصوص
(7) تحطين من خلطة القشطه اللي بالكاكاو وتغطين الوجه عدل مدل
(8) تحطين كورن فلايكس الداوئر الصغار
(9) تحطين اخر شي اغصان النعناع
ملاحظه
يعني الاطباق راح تكوووون
كيك .. الخلطه البيضه ..صوص الهيرشي .. بسكويت دايجستيف .. الخلطه البنيه .. كورن فلايكس
وات*** تجربونه لانه لذيييييييذ وكشخه عند التقديم
وهالصوره يوم سويت عزيمتي
وراح احط لكم صور ثانيه للحلى سويته اليوم اللي بعده بس من غير نعناع لانه ماكان عندي
واشكر اختي قطراويه على هالطبق اللذيذ
بارك الله فيج دنيا واخره
ما شاء الله روووعه تسلم ايدينك