اخباركم جميع
اليوم سويت حلى الشعيريه لان بكره بالدوام مسوين بوفيه بعد العيد وانا حبيت اشارك كذا سلطه وهالحلى اللي اتمنى يعجبكم
مقاديرها سهله وبسيطه
1 قالب زبده
2 كيس شعيريه باكستانيه
تحطينهم مع بعض وتحمصين الشعيريه بالزبده وبعدها حطيها بالبايركس وساويها
]
جيبي 2 ظرف كريم كراميل وذوبيه بحليب مثل ماهو مكتوب على الكرتونه لين تغلى بس مو حيييييل
بعدها اضيفي الكريمه الى الشعيريه شربيها تماما
بعدها جيبي بسكويت الشاي وصفيه على وجه الشعيريه والكريمه ساخنه عشان يتشرب من الكريمه وبعدها حطيها بالثلاجه ربع ساعه تقريبا لين تبرد الكريمه
حطي بالخلاط 5 جبن كيري
1ظرف دريم ويب
نص كوب حليب بارد
ربع علبة نستله حليب مكثف محلى
1 علبة قيمر ( قشطه )
وبعد خلطهم نضيفها على البسكويت كطبقه ونحطها بالثلاجه لين تبرد تماما
وبعدها زينيها بالعسل تبع الكريمه او اللي تبين
اسمحولي ماراح اقصصها لانها للبنات بالدوام مو حلوه اوديها ناقصه
بس اول ما اقطعها بالدوام بصورها لكم
صدقوني لذيذه
وبالعافيه عليكم
رووووووووووعه زيييك
تسلم يدك وبالعافيه على قلوبكم