السلام عليكم ورحمة الله وبركاته
أهلين خواتي ..
قبل ما أعطيكم الطريقة بقول لكم قصتي مع حلى الضومنة ..
كان عند جدتي -الله يطول بعمرها على طاعته- عزيمة
فأنا ويعنني ظفرة :cook: قررت أشاركها بحلى قهوة ..
وقلت في نفسي لاااااااااازم يصير مميز وغريب وخطير ..
بس ليت أحد خابطني على راسي قبل أقرر هالقرار :024:
تدرون ليش ؟!!!!
لأني جلست أصلحه يومين وتبهذلت فيه بهذلة :09:
نصيحة يا بنات .. إذا بغيتوا تودون طبخة لأحد لازم تكونون مجربينها قبل ..
أرجع لسالفتي ..
وقع اختياري على حلى الضومنة المنتشر في كل المنتديات >>>>>>>>>> وقع ولا عاد قام ..
قريت طريقته ولاها سهلة مررررررررررررررررة ..
وبدأ السناريو في خيالي ...
كل المعازيم انهبلوا عليه وما صدقوا إنه تصليح منزلي :hahaha:
لااااااا وبعد قررت أشتري لعبة ضومنة صغار وألزقها على أطراف
الصينية عشان يغمى عليهم من شدة الإنبهار :11retcher
بس الحمد لله ما لقيت أحد يوديني لأبو ريالين :)
المهم .. أخذت المقادير وبديت أشتغل ..............
وبدت المأساة :icon33:
لما خلطت المقادير صارت العجينة جامدة مثل عجينة المطازيز
>>>>>>>>>>> هذي وشلون تنصب فوق طبقة البسكوت !!!!
قمت أزيد عليها حليب سايل لييييين صرت أقدر أفردها على البسكوت
وانتهت مشكلة العجينة ..
خلطت الكيري والنستلة حسب المقادير المعطاة وصبيتها ودخلتها الفرن ..
أنتظرها تجمد الطبقة شوي .. لكن ما رضت ..
قلت يمكن بتجمد في الثلاجة .. ودخلتها الثلاجة ..
من بكرة طلعتها عشان أقطعها وأنقّطها ..
:icon33: لا تذكروني ..
أقطع وطبقة الجبن ما جمدت مضبوط .. والطبقة إللي تحتها تمشي مع السكين ..
سكنت في المطبخ وفقدوني أهلي .. جت أختي تدورني ورحمتني
>>>>>>>> ياحليلها رحومة (لا تصدقون)
وسكنت معي تساعدني ..
خلصنا علبة مناديل وحنا نمسح يدينا كل دقيقة ..
وأخيراً خلصنا وأنا الصيحة عند الباب ..
وصار حلاي مهوب حلى ضومنة ..
صار يقلد الضومنة .. ضومنة ترقص بعد ..
وكل وحدة كبر البعير :biggrin:
وهذي صورته ..
لا تروحون بعيد .. يتبع ---->
.
وتطلع فعلاً كأنها لعبة الضومنة ..
والحمد لله صلحته بطريقتي الخاصة وضبط وصار يدنننننن :)
فقلت لاااااااااااااااااااازم أنزله لحبيباتي عالم حواء ..
فإلى اللعب .. أقصد الحلى ..
المقادير :
علبة بسكويت شاي ..
اصبع زبدة ..
كأس حليب بودرة ..
نصف كأس سكر ..
3 بيضات ..
فانيليا ..
نصف علبة قشطة ..
ملعقة B P ..
9 جبن كيري ..
3 علب صغيرة حليب نستلة ..
الطريقة :
يطحن البسكويت ..
تذاب الزبدة ..
تصب الزبدة على البسكويت ويرص في الصينية ..
يتبع ---->
.