اولا ابحكي لكم ليه انا عملته
عملت مدرسة ابني مسابقه افضل طبق قلت يابنت فكري شتسوين
وطاح عيني على هالحلى واحوس وادوس قي هالليل بهالمطبخ لين انجزته ولله الحمد
والحين انزل لكم الخطوات
المقادير بحسب الطبقات
بسكويت شاي
حليب سائل معه شوي سكر ونسكافه
كاسين حليب ناشف محموس
اصبع زبده انا وضعت هنا نص
قشطه
ظرف كريمه
نص علبة نستله
نعجن الحليب المحموس مع الزبده والكريمه والقشطه ونص علبة النستله
الان نرص البسكويت بعد تغميسه في الحليب في الصينيه ونضع عليه نصف الخلطه
بعدكذا نواسيها طبعا الخليط راح يكون لاجامد ولا سائل يعني ونتي ترصيها لابدتبللي يدك بالحليب وترصي حتى مايلصق بيدك نرص عليها طبقه ثانيه من البسكويت
بعد كذا نضع النصف الاخر من الخلطه ونواسيها
هنا ملاحظه لازم الطبقه هاذي تكون متواسيه تمام
بعدكذا تضعين في الخلاط النص المتبقي من النستله مع 8حبات جبن كيري اومثلث
وملعقة قشطه
وشوي سكر
وملعقتين حليب جاف
ناخذ من الخلطه البيضاء مقدار بياله
ونضع عليها كاكاو بودره ونحركها ونصبها في كيس نظيف صغير ونتركها على جنب
باقي الخلطه البيضاء نصبها على الصينيه
ندخل الصينيه في الفرن المشعل مسبقا يعني يكون الفرن ساخن من قبل ندخلها ونطفي الفرن ونتركها فيه تقريبا ساعه الاربع
نطلعها ونضعها في البراد حتى تبرد تماما وعشان يسهل تقطيعها
الان نجي للتقطيع اللي لازم يكون تقطيع بشكل مستطيلات حجمها واحد ومتواسيه ترى هاذي الخطوه مهمه مره نرجع للكيس اللي فيه خلطة الكاكاو ونقطع زاوية الكيس بالمقص او السكين بحيث لازم يكون القطع صغير حيل ولا ترى لوقطعتي كبير تجيبين العيد في الكيس وتغيرينه المهم الان تبدي تتفنني بالرسم على الحلى نفس خطوط لعبة الضومنه الموضحه في الصوره
والقطع هاذي كلها لكل اعضاء المنتدى
بس ابي الدعاء لي بان يصلح الله نيتي وذريتي وان يجعلني وهم وانتم للمتقين اماما وهو القادر عليه
يالله يابنات ترى الموضوع متعوب عليه الله الله بالردود
ماقلت لكم وش صار يوم ودى ولدي الحلى للمدرسه ماشاء الله تبارك الرحمان يقول زوجي ان الحريم مسوين الهوايل من الابداع
وانا بازه اني بفوز بالجائزه الا ولدي جاني يطوح الصينيه
والحمد لله راحت للي يستحقها
ونلتقي باذن الله مع موضوع جديد
يسلمو ايديك
ماشاء الله عليكي:)