هذي اول مشاركة لي بهذا القسم
وجبت لكم حلاوة او ايسكريم اللي تحبون تسمونه
على شكل طبقات
يالله بندء
المقادير
3 ظروف من دريم ويب - حليب- بسكويت قهوة الصباح - فانيلا - وجيلي
خطوات العمل
قبل مانبدء بكل شي يفضل ان يغلى الجيلي بفترة علشان يبرد على راحته
نضع مقادير خلطة الدريم ويب في الخلاط مع استخدام الحليب والفانيلا ( المقادير موجودة على ظرف الدريم ويب )
نشغل عليه الخلط و تنطرونه لحد ماينفش
الحين تقسمون الدريم ويب الى قسمين ونضع قسم في البايركس و عليه البسكويت مفتت ( ماستخدت البسكويتين ااثنينهم على حسب كمية الدريم ويب اللي حطيتها اخذت بس باكيت بسكويت )
بعدها خلطنا البسكويت والدريم ويب وساويناه بعدها ندخل بالفريزر علشان يجمد
بعد ماتجمد شوي الطبقة الاولى نبدء نضع الجيلي بحذر شديد علشان ماتتفتت الطبقة الاولى ( انا استخدم الملعقة واصب فيها علشان ماتصير حفرة في الطبقة الاولى )
وبعدها ندخلها بالفريزر حتى يجمد الجيلي ويصير مثل الجلي اللي خليناه لمدة 3 ساعات ليجمد بالثلاجة مو تخلونه يثلج
نجي للخطوات الخيرة رشي شوي من بودرة الجيلي على القسم الثاني من الدريم ويب ونخلطه
واخيرا نضع الطبقة الاخيرة ونخليها بالثلاجة تحت لما تبرد
وبالعافية
اتمنى انها اعجبتكم واللي تجرها تخبرني بالنتائج
ملاحظة : اسم زهرة الحب اللي على الصور هذا اسمي بمنتدى ثاني