حلى الغضاره ذكرتني فيه ام جيرنا حلو وسهل

هذا الحلى قديم شوي بس الي ذكرني فيه ام جيرنا كان عند ولدها زملائه وقالت لنا الله يعافيكم ودي تسون لي هذاك الحلى الي سويتوه من زمان يوم عندكم عشاء عاد الحمد لله انحن وكل الجيرن زي الاهل الله يديم المحبه قولوا امين
فاتذكرته وقلت اذكركم فيه ولي ما تعرفه تتعلمه تره سهل وسريع وشكله حلو ويواجه
انتظر رردودكم بس عاد لا تفشلوني وتطنشوني ترى :icon33: :icon33: :icon33: ( حساسه مره ) :icon33:
حلى الغضاره
المقادير :
2 كرتون سويسرول فانيليا - 2 ظرف دريم ويب مخلوط مع علبه قشطه و10 ملاعق ماء - بسكوت شاهي - 2 علبه قشطه - 10 ملاعق كاكاو نستله المحلى - 4 ملاعق سكر
المقادير و الطريقه :
يقطع السويسرول حلقات ثم يوضع في غضاره ( اناء له قاع ) ثم يمسح بطبقه كثيفه من خليط الدريم ويب ثم يوضع البسكوت المكسر الخلوط مع القشطه و الكاكاو في الوسط ويدخل الفريزر وعند التقديم يقلب على شكل قبه ويجمل حسب ذوقك وانتم كلكم ذوق