اخباركم يالحلوات
بصراحه لما قريت عن المسابقه حقت رمضان تحمست معها مررره وقلت بنزل هالحلى وبماانه اول ليله لرمضان
راح انزلها اللحين
المقادير:
بسكوت اوريوا
بسكوت اولكر القديم المحشي شوكلت قرطاسته حمراء<<<بالتفصيل الممل هههههه بس عشان ماتسالون وشولون شكله
تكسرين البساكيت مع بعض وخلي كميه الاوريوا اكثر من الاولكر بشوي
وخليهم على جنب
وبعدين حطي بالخلاط:علبه نستله الكبيره
و6 حبات جبن كيري
واخلطيها مع بعض
وبعدين صبها على البسكوت واعجنيهم مع بعض بالملعقه طبعا
وجيبي زبديه او اي صينيه بحيث انك اذا قلبتيها تعطيك نص كوره <<<فهمتوا تراني مااعرف اشرح فاشله بالشرح
وغلفيه ببلاستيك وحطي فيه البساكيت ورصيها بقوه عشان تلزق مع بعض
وخليها بالثلاجه لمده ساعه او الين تتماسك وتجمد مع بعض
وخلال هالمده سوي صوص شوكولاته المقادير:
ثلاث ارباع كاس ماء
نص كاس سكر مطحون
ملعقه كبيره نشاء
2 ملعقه كبيره شوكولاته بودره
ربع ملعقه زبده
وحركيهم على النار الييييييين يثقل الخليط
وبعدين طلعي الكيكه من الثلاجه اذا بردت واقلبيها
واستني لين يبرد الصوص وصبيه على وادهنيها كلها بالصوص
وبعدين جيبي شوكلت الدمعات<<<مدري انا كذا اسميه لانه يشبه الدموع
وصفيها على الكيكه جنب بعض
واذا انتهيتي رجعيها للثلاجه عشان ماتميع
والف صحه علة قلوبكم
وهذي الصوره
وهذي صوره ثانيه عشانكم
