تسيف حالكم ,,
اليوم يايه و معاي حلى الكابتشينو ,,
في وحده من الاخوات حاطه الموضوع هني ,, بس المقادير غير عنها ,, يعني مو مكرره
واتمنى انها مو مكررة ,,
و يالله نبدي نشوف الصورة للشكل النهائي
والحين المقادير ,,
- كيك سارالي كاكاو
- 2 قيمر " قشطة "
- واحد كريمة الي علبتها الحمرا مالت كي دي دي السائلة
- كوب سكر
- 2 ظرف كابتشينو نستله
- ظرف جيلاتين مذاب في نص كوب ماء ,
- كاكاو بودر نسكويك <- هذا نخليه اخر شي ,,
دحين الطريقة ,,
- اول شي راح نخلط جميييع المقادير بالخلاط ,, ما عدى الكاكاو بودر ,,
- و على ما يخلطون نصف الكيك بعد تقطيعه في البايركس ,,
- الحين نصب نصف الخلطه فوق الكيك ,, و نحطه بالفريزر علشان يجمد بسرعه
- نضيف على الخلطه الي بالخلاط خمس ملاعق كاكاو بودر نسكويك ,,
- بعد ما نتأكد ان الخلطه جمدت الي بالفريزر نصب فوقها هالخلطة و انردها بالفريزر مرة ثانيه ,,
- نطلعها و نزينها بنثر كاكاو بودر او حسب ذوقكم انتو
في شغله سويتها ,,
ما كان عندي كابتشينو الي بالاظرف ,, فا حطيت معاها ملعقتين نسكافيه ,, و طعمها صار بيجننن ,,
في ملاحظه ثانيه ,,
الي معطيتني هالمقادير ,, مسويه حوووووسة رهييييبه ,, بس انا غيرت فيها شوي و صارت ارتب ,,
كانت تحط الطبقة الاولى كيك و نص الخلطه ,,,
وللطبقة الثانيه كانت تحط بسكوت مذاب شوية في حليب ,, و بعدها الخلطله الثانيه ,,
بس الصراحه كان طعمها مو ذاك الوزد :(
ما طول عليكم ,,, عليكم بالعافيه ,,
و هالله هالله بالردود و الآراء :27:
بالكابتشينو تسلم يدك ياقمــــــــــــــــــــــــــــر جزاك الله خير لاتحرمينا من طبخاتك
نسيتك اقولك اني مبسوطه اني اول وحده رديت عليكي يشرفني