السلام عليكم ورحمة الله وبركاته
سويت لكم حلى اللقيمات طبعا اسمه كذا عشان شكله مثل اللقيمات ولو تصبي عليها شيره اللي تقدميها له يفتكرها لقيمات من جد
مقادير العجينه:
3 كاسات طحين
3 علب قشطه
2م/ك بكينج باودر
للحشو:جبن كيري
مقادير الخلطه اللي راح تصبيها عليها بعد ماتنتهين
2 حليب نستله صغير
م/ص ( ملعقة الحلا) قرفه مطحونه
للتزيين: شوكلاتة هرشي السائله
وهذي هي الصورة
أو
بدل الخلطه( شيره )
وهذي صورتها كأنها لقيمات
الطريقه:
1- تعجني العجينه بالقشطه وإذا لزقت في يدك ضيفي شوية طحين لين ماتنفك من يدك واتركيها ترتاح شوي لمدة نصف ساعه
2- بعدين خذي قطعه صغيره من العجين واحشيها جبن وكوريها إلى أن تنتهي كمية العجين اللي عندك
3- أقليها في زيت غزير لين يصير لونها ذهبي مثل لون اللقيمات ( لاتخلين الزيت يغلي مره عشان ما يطلع لونها مو حلو )
4- حطي في الخلاط حليب نستله والقرفه بعدين صبيها عليها بعد ماتنتهين من قليها بس لاتغرقينها مره من الخلطه يعني بالمعقول ( يمكن استبدال هذي الخلطه بالشيره وتصير كأنها لقيمات)
5- رشي عليها شوكلاتة هرشي السايله
6- حطيها في طبق التقديم واغرسي فيها أعواد أسنان <<< إذا كنتي بتستخدمين الخلطه اللي فيها نستله
ملاحظات:
* حطيها اول شي في طبق التقديم بعدين صبي عليها الخلطه
* الطحين المستخدم هو طحين الكويت ( الكيس الواحد منه يعادل 6 كيسان ) طبعا من
الكاس اللي عايرت فيه
* مالها طعم من غير حلى يعني لازم تحطين كميه مناسبه اما من الشيره أو حليب النستله
* تقدم وهي دافية أفضل
وبالهناء والعافية
وأي استفسار أنا جاهزة
