السلام عليكم ورحمة الله وبركاته
هالمره بنزل لكم شي جديد
وهو حلى الليبتون
وهذي صورته
هاااه اشرايكم ؟؟؟؟
اللي عجبها تنزل تأخذ الطريقه
حلى الليبتون
نخلط اصبع زبده طريه مع نص كوب سكر بودره وبيضتين وفانيلا
ثم نضع عليها نص كوب نشاء وكوب ونص دقيق وملعقه صغيره بكنج بودر وتعجن وتكون عجينه لينه
شوكولاته مذابه للتززين
واللحين الصور تبين لكم الطريقه بالتفصيل
نقطع العجينة الى مربعات ووبعدين نعملها زي شكل الليبتون بالسكين مره سهل ونجيب مصاصه ونعمل فتحه من فوق عشان تدخل التعليقة حقت اللبتون
وتخبزينه بالفرن بس لا يتحمر شوي بس يشقر
تغمسينه بالشكولاته المذابه وتخلينه ينشف وبعدين دخلي فيه خيوط حقت اللبتون
ودخليه باكياس زي كذا
وتراه مره سهل وهش وحلاه قليل يعني يصلح مع الشاي
وآخيرآآ
دعواتككم ربي يوفقني و ينجحنا ع خير يارب
طبعا الموضوع منقول لكن ماكان مشروح كان بس بالصور وانا شرحت كل صورة يعني تعبت :36:
لكن اختي معلمة وجابته وحده من المدرسات وعجبها وقالت لنا طريقته بس عشاني وحده كسوووووووووووووولة قلت انزل الجاهز احسن
اذا عجبكم الموضوع لا تنسو التقييم لأني شرحت خخخخ واخذت من وقتي مع اني عندي اختبار
اذا سويتو شاهي لاهلك اقطعوا الخيط وكبوا اللبتون وكذا عملنا اعادة تدويييييييييير :)
وشككككككككككرا
إن شاء الله مع كل ذا الحماس مايكون الموضوع مكرر