كيفكم ياحلوات بصراحه اول مره ادخل هالقسم ولاحظت الأغلبيه يدورون الشي
المميز وفنفس الوقت السهل والغير مكلف
وانا اشوف ان هالحلى يطابق كل المواصفات والمقاييس
على فكره في وحده نزلته قبل فتره بس كانت حاطه مقادير مكلفه وكثيره
واساسآ هي قالت المقادير من اختراعها
وانا اليوم جبتلكم مقاديره الصحيحه 000000وبدون ما احلف ترى انا سويت
هالحلى تقريبآ 6 مرات واللي سألوني عن طريقته 12 يعني كل مره ثنتين
وكمان صارلي معاه موقف طريف 000سويته مره واخذته لبنات خالي ورحت
والصينيه عندهم 000وجو عندهم بنات جيرانهم وذوقوهم وماشفتلكم اليوم الثاني
الا رساله عالجوال من رقم غريب يسألوني فيها عن الحلى000طلعوا بنات جيرانهم خخخخخخخ صرت مشهوره
المهم000
الطبقه الأولى : 3 بسكوت اولكر الكبير مجروش +نص كوب حليب دافي محلى بسكر (اوفر واخف عالمعده من الزبده)
الطبقه الثانيه : 2 زبادي + 2 ونص كاس شاي سكر +8 فناجين قهوه حليب بودره + ملعقه فانيليا) تضرب فالخلاط
بعدين ذوقيه اذا السكر ناسبك اوكي وذا حسيتيه ناقص زوديه
الطبقه الثالثه : ظرف كريم كراميل +كوب ماء + ربع ملعقه نسكافيه
للزينه : بسكوت اوريو
الطريقه :
1- نجرش البسكوت ثم نضع الحليب بالتدريج ونحركه باستمرار لمن يسير اذا ضغطناه يتماسك
واذا فتتناه يتفتت اهم شي ما يكثر الحليب وينعجن ويخرب0000اتمنى تكونو فهمتوا قصدي0
2_ نرص البسكوت فصينيه ونضغطه بقوه لمن يتساوى ثم نصب فوقه خليط الزبادي وندخله
الفرن بس من فوق خمس دقايق او سبع دقايق تقريبآ بس كل دقيقتين افتحي الفرن واضغطي
بأصباعك اذا صارت طبقة الزبادي متماسكه علطول طلعيه واذا طريه خليها كمان دقيقتين0
3_اثنا ماتجمد طبقة الزبادي حطي عالنار كوب المويه معاه ظرف الكريم كراميل وحركيه لمن يغلي
خمس دقايق بعدين سيبيه على جنب يدفأ
4_ طلعي الصينيه من الفرن وافتحي حبات الأويو وشيلي الكريمه ورصي حسب الشكل اللي تحبينه
واضغطي على كل حبة اوريو تحطينها عشان تدخل شوي فطبقة الزبادي وعشان ماتنفك بعدين
5 _صبي الكراميل وهو دافي (مو حار ولا بارد) لأنه وهو حار بيكسر البسكوت وهو بارد بيتكتل
وحطي فالثلاجه لحين التقديم
شفتوا حلى اسهل واوفر من كذا غير الطعم جنااااااااااااااااااااااااااااااان
وعليكم بألف صحه وهنا
دعواتكم لولدي بالشفاء بمعجزه من رب العالمين