مرة انا وبنتي سهرانات ومشتهين حلا بس مستعجلين يعني نبغاه يخلص ب10 دقايق هههههه
عملت الحلا هذا والله لذييييييذ وبنفس الوقت مفيد
المقادير
بسكويت ماري 4 حبات مطحون
علبتين حليب نستله
نصف كوب لوز
نصف كوب فستق حلبي
نصف كوب كاجوا
نصف كوب سمسم محمص
الطريقة
نطحن البسكويت ونخلطه بحليب نستله اللي يكفيه علشان يتماسك ويمكن تضطري تصبي من العلبة الثانيه
وبعدين نرصه بالصينيه
نرش فوقه السمسم المحمص
ندق المكسرات كلها بس مو نطحنها ناعمه
نرشها على طبقة السمسم
وبالأخير نصب فوق المكسرات حليب نستله بشكل خطوط بالطول والعرض
وندخل الصينية بالفرن ساخن لمدة 5دقائق
وبعدين نحمره من فوق وانتبهوا له تراه يتحمر بسرعه
ونخليه لين يبرد شوي ونقطعه وبالهناء والعافيه
ملاحظه :الحلا يصلح بصنفين من المكسرات إذا مامتوفر الباقي أنا سويته بلوز وسمسم وطلع حلو
والمكسرات لازم تكون غير مملحة
