السلام عليكم ورحمة الله وبركاته
مساكم حلى وصباحكم احلى
مرحبا بالغاليات في قسم الحلويات
حلى النواشف
اخذته من واحده من قريباتي
وجربته
مرة وثنتين وثلاث
وماجربته الا بعد ماذقته من يديها
الطعم ( للي يحبون السنكرز ) قريب
يعني ولد عمه
شكلها داعيةٍ علي بحبي له
كل ماله يزيد والشوق للثلاجه ولعنده تحديداً يوصلّني .. خخخخخخخخخخخخخ
المقادير :
في الخلاط
اصبع زبدة مذاب
2 ملعقة كبيرة زبدة الفول السوداني
2 ملعقة كبيرة حلاوة طحينية
6 حبات كيري
2 اصبع جالكسي ( ماكان موجود عندي .. استبدلته : بملقة كاكاو بودرة + نص بيالة ماء + فنجال سكر ) .. يمديكم على خلطة الجالكسي بس خخخخخخ
ملعقة صغيرة نسكافيه
اخلطيها وبتكون كثيفه نوعا ما
حطيها في زبدية
كسري عليها بسكويت شاي واحد فقط
احضري صينية وسط وادهنيها زيت
اسكبي الخليط السابق في الصينية
دخليها في الفرن لمدة خمس دقايق فقط
طلعيها تبرد
وحطي عليها صوص التوفي
ومقاديرة كالآتي :
نص اصبع زبدة مذوب على النار
حطي عليه نص كأس سكر وحركيه الين يتشقر
اخلطي :
قشطة مذوبة مع نص كأس ماء مع نص ظرف كريم كراميل
مع ملعقة صغيرة كاكاو بودرة مع ملعقة صغيرة نسكافيه
ضعيه بعد الخلط على السكر المشقر وحركي الى ان يتجانس
برديه شوي وحطيه على خليط النواشف
زينيه باللي تبين .. انا حطيت لوز مبشور
وهنا الصور
وهنا من قريب
وهنا بعد ماصفيته للأسرة
ملحوظه :
الحلى كوله على بعضوه ماياخذ منك الا ربع ساعه واللي يدها سريعة في اقل من ربع ساعه..
وساعة في الثلاجه وهو جاهز للتقديم ..
بالعافية
أختكم
اطياف سدير