من فتره اشتريت قوالب السيليكون وكنت محتاره ايش أسوي فيها خصوصا اني ماأبغى أسوي شوكولاته عاديه مثل باتشي وأحشيها مكسرات وغيرها من الحشوات,,كنت حابه أسوي حلى..طبعا بعد تفكير طرى علي حلى اللؤلؤ اللي سوته أحد الخوات في هالمنتدى,وبالفعل سويته بالقوالب وكانت النتيجه رائعه ولذييييييذه...هذي صوره للنتيجه,,
بسم الله نبدأ...
المقادير: الطبقه1:جالكسي حجم كبير
ط2: (1كأس بسكوت مطحون+علبة قشطه+4حبات كيري+شوي نستله مركز للتحليه)في الخلاط
ط3:كيك أمريكانا جاهز
الطريقه:
نحضر قوالب السيليكون وندهنها بقليل من الزيت بواسطة منديل وليس فرشاه عشان الكميه ماتكون كثيره وممكن نستغني عن الزيت بس هو يعطي لمعه
-الطبقه1: جالكسي نذوبه في حمام مائي وندهن فيه القوالب بالفرشاه وأدهن بكميه وافره القاعده والحواف.
-الطبقه2:نفس المكونات السابقه بعد خلطها في الخلاط يصير عندي حشوه كريميه أحطها داخل كيس وأقطع طرفه وأصبه في القوالب
الطبقه3:أقطع الكيك شرائح متوسطة العرض وبالقطاعه الدائريه أقطعها وأغطي فيها القوالب
وأدخلها الثلاجه لمده كافيه بالنسبه لي خليته ليله كامله بعدين أطلعه من القوالب وأقدمه وهذي النتيجه..
من الداخل..
الصينيه كامله...
أتمنى تكون الطريقه واضحه واسمحو لي اذا ماصورت بعض الخطوات لأني ماذكرت الا بعدين...جربوها ترى رائعه.
مانبي غير الدعاء:).
بس من وين اشتري قوالب السلكون من العضوات ولا من المحلات ?