حشرح لكم طريقة حلى جميل جدا شكله ومرا ينفع للضيوف ووقت الزنقات
يعني ممكن تقديميه للضيوف بدون مايسيح عليكِ ولا يخرب شكله
تحتاجي الى
عجينة اي نوع تسويها ممكن تزبط معاكِ في الحلى
بعد ماتسوي العجينة وتسيبيها تتخمر
نبدأ نفردها ممكن تفردوا العجينة كلها مره وحده اسهل لكم
بعدين تسووا زي اللي في الصورة
بمعني انك تقطعي العجينة بالطول والعرض إلي يتكون لك مربعات زي اللي بالصورة
بعد كذا نمسح عليها زبده ونرش عليها قرفة مطحونة مع سكر بعدين نأخذ مجموعة من المربعات تقريبا بحدود ال4 إلى 5 مربعات
ونحطها زي كدا
ملاحظة ممكن تضيفوا عسل - مكسرات ... اي حاجه تحبوها
اش سوينا بالخطوتين اللي قبل رصيناهم فوق بعض بعدين قطعناهم بعد كدا
نرصهم في قوالب
نكرر العملية إلين نننتهي ونسيبها في الفرن بحدود ثلث ساعة إلى نص على درجة 250 ,او إلى يتغير لونها من على الاطراف
بعد كذا نجملها بـ
اما حليب نستله
او هرشي
او جبنة كيري مخلوط معتها حليب نستله وشوية قشطه
وممكن ترشوها بالمكسرات يعني اشياء لاتعد ولاتحصى
وبالهناء والعافية
لا احد يرد
التشيز كيك
الذ تشيز كيك ممكن تذوقوه
المقادير
الطبقة الأولى
علبتين بسكوت شاي مطحون
ثلاث ارباع كأس زيت
ثلث كوب مويه
اضيفو الثلاث اشياء لبعض ورصوها في صينية متحركه ولازم تكون لكم طبقة متمااسكه
الطبقة الثانية
علبتين زبادي
عشر حبات جبن كيري
ثلاث بيضات
رشة فانيلا
ثلاث ارباع كاس زيت
نص كوب سكر
كل المقادير على الخلاط وبعد ماينخلط كويس
اضيفوها على الطبقة
الأولى وللفرن على نار وسط لمده نص ساعة إلى ساعة الاربع
يعني تقريبا لحد ماتدخلوا السكين وتلاحظوا تكونت لكم طبقه
ملاحظة تبغي الطبقة الثانية تتضاعف ضاعفي المقادير شوية
بعد كذا نرفع عليها من فوق في الفرن لحد مايتغير لونها شوية
وبكذا انتيهنا من الطبقة الثانية
نتركها تبرد والشئ هذا جداا مهم عشان لو اضفتي اي شئ في هذا الوقت
بتسيح وبتكون لك اسوء تشيز كيك
بعد ماتبرد اضيفي الخليط عليه هذا
الطبقة الثالثة
ثلاث ملاعق فيمتو
ومربي فروالة
نسكب الخليط ونجمل التشيز كيك بقطع الفروالة
ونسيبها في الثلاجة تبرد لمده اقل شئ اربع ساعات
وبالهناء والشفاء