الحلى هذا امي الله يطول بعمرها تسويه لها تقريبا 20 سنه وانا ماقد فكرت اني اسويه
الا المرة هذي لاني بأمريكا واغلب انواع الحلى مقاديرها ماتلقينها متوفرة بسهولة فجا ببالي الحلا هذا
لان مقاديره سهلة ومتوفرة عندنا بالغربه
المقادير :
تمر منزوع النوى _ بسكويت اولكر حبه وحدة _ اصبع زبدة _ جبنة فيلادلفيا (امي تسويه بجبنة كيري بس لانه ماهو متوفر
هنا فبدلته بفيلادلفيا ) _ علبة حليب نستله كبيرة
قليلة المقادير صح :icon31:
نبدا بالطريقه
(الطبقة الاولى ) اول شي نطحن البسكوت مع الزبدة ونرصها بصينيه
(الطبقة الثانيه ) نفرد التمر طريقتي انا جبت كيس اللحم ودهنتها بزيت عشان يسهل فرد التمر وفردته بالنشابه
وبعدين نشيل التمر المفرود ونحطه بالصينيه
( الطبقة الثالثة ) نخلط جبنة فيلادلفيا اوكيري مع ثلاث ارباع علبة النستلة
ونصبها على طبقة التمر
بعدين نحط الصينيه بالفرن لين تجمد طبقة الكيري والنستلة بدون لاتتحمر (انا اشغل الفرن السفلي فقط واكون
مقصرة عليه )
وهذي صورتها بعد ماطلعتها من الفرن
ونضعها بالثلاجه حتى تبرد عشان تسهل علينا بالتقطيع
شوف شكل الطبقات
لاتركزون على الديكور :icon20:
ان شاءالله اعجبكم الحلى
ودعواتكم لامي بالشفاء ونرجع من الغربه بصحة وسلامه ان شاءالله
