حلى ام هشام اللذيذ

كنافه طبقات
وش أخباركم يا بنات كل عام وانتم بخير
جبتلكم كنافه لكن غير شكل نبدا:
ناخذ 4كاسات من الكنافه بعد ما فتتناها ونحمسها على النار مع نصف اصبع زبده
الى ان تشقر
الخلطه 1
ناخذ في الخلاط كاس حليب بودره /نصف كاس زيت / حبة قشطه /نصف كاس سكر
قليل خميره /وملعقه بكنج باودركبيره/ونصف كاس ماء /وكاس سميد
الخلطه 2
3حبات قشطة طازجه الي تجي في علب في الثلاجات /كاس حليب بودر / كاس سميد تخلط مع
بعض حتى التمازج
طريقتها
نضع كأس واحد من الكنافه في الصينيه ثم نضع نصف الخلطه رقم 1 ثم نضع الخلطه رقم 2
كامله ثم نضع النصف الثاني من خلطه 1 ثم نضع الثلاث كاسات من الكنافه
ثم تدخل الفرن تقريبا من ثلث الى نصف ساعه من تحت ثم من فوق واذا اخرجناها
من الفرن نضع عليها الشيره الصينيه المستخدمه هي البايركس الي أصغر من الكبيره
بنات لا يغركم كثر الكلام تراها ماتاخذ وقت الا حمس الكنافه ولذيذه وشكلها قمه وكشخه الي
يشوفها يحسبها من محل واذا صلحتها يسألوني عنها جربوها يا بنات الي ما تزوجت بتنخطب
ومبروك مقدما




قصدك هذا؟

والا هذا

المقاديـــــر والطريقـــــــه :


علبة بسكوت الشاي مكسر صغير جدا

كاس وربع سميد

6 جالكسي ساده مقطع قطع صغيره (واللي امكانياتها ماتسمح لان الجالكسي غالي تحط مالكيتا لانها تقريبا نفس الطعم)

في الخلاط :

4 بيضات

فنجان سكر

ملعقه صغيره بيكنج بودر

نص كاس زيت

شوي فانيليا

تخلط المقادير السابقه في الخلاط ، ثم تصب على البسكوت والجالكسي والسميد وتخلط معه ، وطبعا راح تكون قاسيه بعدين حطيها بصينيه

بايركس كبيره ، وكسري شعيريه باكستانيه وحطيها فوقها لحد ماتتغطى مو لازم تحطين كل الشعيريه ، بعدين دخليها الفرن من تحت بس لاتطول

يعني لحد ماتستوي تقريبا ربع ساعه .. بعد ماتطلعينها من الفرن تكونين مجهزه حليب نستله المحلى الكبير وصبيه على طول فوقها وساويه

على كل الصينيه ، وخليها شوي برى لاتدخلينها الثلاجه على طول ..


وبالهنا والعافيه ،،، اتمنى تعملون هذا الحلى لانه فعلا لذيذ جدا

وانا سويت بحث في الأرشيف باسم العضوة وأخذ مني نصف ساعة

والصور ماتظهر


ادعيلي بصلاح زوجي وعيالي واستقامتهم

اختي هيفاء2 >> الحلى هو الطريقه الثانيه .. الله يجزاك خير ويسعدك في الدنيا والاخره ويوسع وينور لك قبرك ويبشرك بالجنه ويوسع لك باب رزقك ويصلح لك زوجك ويهديه ويسخره لك ولعيالك ويقر عينك بعيالك ويصلحهم ويهديهم وتعبك هذا ما انساه لك واي شي تبينه من عيوني .. ولك دعاء بظهر الغيب .. :)

الله يسعدك ياقمر