السلام عليكم ورحمة الله
المقادير :
1/ علبة حليب مركز
6 / حبات جلكسي الحجم العادي
1/ بسكوت ديجستف
اصبع زبده
جوز الهند
الطريقة
يطحن البسكوت ونخلط معاه الزبده , وبعدها نرصه في صنيه ويفضل نغلف الصنيه بالقصدير من القاع عشان يسهل التقطيع في النهايه
بعد ما نرصه في الصنيه نضعه في الثلاجة لمدة نص ساعه حتى يجمد وطبعا ما ننسى نغطي الصنيه من فوق ..
بعدها نخلط الحليب المركز مع جورز الهند تقريبا كاس ونص من جور الهند بيكون الخليط شوي ثقيل , ونصب هالخليط في الصنيه اللي فيها البسكوت وندخلها الفرن شوي عشان يحمر الوجه ( مب تحرقونها عاد ) شويه بس
واخيرا ,, ناخذ الجلكسي ونذوبه عاد عندج طريقتين اذا مستعيله وما لك خلق حطي الجلكسي في الميكرويف 5 ثواني وطلعيه بتلاقينه ذاب ,, واذا كنتي اتحبين الشغل ذوبي الجلكسي في حمام مائي الاثنين بيعطونك نفس النتيجه
طبعا انتي راح اتذوبين الجلكسي وقت اللي بتكون الصنيه في الفرن اول ما اتطلعينها صبي الجلكسي فوقها وهي ساخنه عشان مايتكتل الجلكسي ..
وبعدين حطي الصنيه في الثلاجه عشان يجمد وبعدها قطعيه علي شكل مربعات صغار وبيكون شكله حلوو عباره عن ثلاث طبقات الاولي بسكوت والثانيه جوز الهند والثالثه جلكسي
& أم هتون & @amp_am_hton_amp
عضوة نشيطة
يلزم عليك تسجيل الدخول أولًا لكتابة تعليق.
سنافية-سدير
•
شكله حلو الله يعافيك ومشكوووره
الصفحة الأخيرة