حلى ببسكوت الدايجستف سهل وسريع لذيذ

كل التشيز كيك يحتاج بسكوت داجستيف
و انا شفت اخت هنا مسويه حلا كاسات و بين الطبقات حاطه بسكوته دجستيف
ان شا الله اكون ساعدتك و لو بشي بسيط

اختي انه اسوي حلى اسمه عاصفة الصحراء ترى حلو معليج من الاسم يخرع صح <ههههههههه
المقادير :
1باكيت بسكويت دايجستف الصغير على ما اعتقد 250غ
1حليب محلى
1/4 اصبع زبده
الواح3 جالكسي ساده
1/4 ك ماء
2م ك حليب بودر

الطريقه:
يطحن البسكويت ناعم و تذوب الزبده في قدر على نار هادئه ثم يضاف الحليب المحلى على الزبده و يحرك جيدا ثم يضاف البسكويت المطحون و يقلب حتى تتجانس المكونات مع بعض و حتى تصبح عجينه طريه ثم ترص في قاع البايركس او قالب مستطيل .
و يذوب على حمام مائي الجالكسي و يذوب الحليب البودر في الماء و يسكب على الجالكسي و يخلط جيدا ثم يسكب على البسكويت في البايركس و يدخل الثلاجة و ثم يقطع و يوضع في ورق بلاسيه و بالعافيه.


اتمنى تعجبج الطريقه و تجربينها لانها وايد حلوه و حسافه لو عندي صورتها جان حطيتها لج بس للاسف ما عندي و اي استفسار انه في الخدمه

تفضلي

http://forum.hawaaworld.com/showthread.php?t=1978162

تسلمون بنات نورتو الصفحه وان شاء اله يجي يوم وارد لكم الجميل
وراح اجرب وصفاتكم

ينقل من الحلويات للاطباق