تبارك الله لاقوة الا بالله
كل عام وانتم بخير ومبارك عليكم الشهر
وبمناسبة هذا الشهر الفضيل حبيت انزللكم حلى زين سفرتي اليوم
حلى اليوم هو جبل القرفه الرائع..... بصراحه اعتبره من الذ انواع الحلويات اللي تسويها في رمضان
لقيت طريقته قبل سنه وانا الفلف في المنتديات ...جزى الله صاحبته كل خير....بس ماحصلته هنا ....
ومقاديره سهله ومتوفره في الغالب في كل بيت
والمقادير هي : أي عجينه تضبط معاكي ( انا استخدمت العشر دقايق)
جبنه كيري
كوب سكر اسمر مخلوط بسكر عادي
3 ملاعق قرفه
حليب مكثف محلى
زبده ذايبه
نقطع الجبنه الى قطع صغيره...ونخلط القرفه مع السكر
ندهن الصينيه بشوي زيت ..ومن الافضل استخدام صينية الكريم كراميل( اللي مخرومه من النص) ونبدء بعمل كور
صغيره بحجم حبة الزيتون الكبير ونحشيها بشوي جبنه وندهنها بالزبده ونغمسها في السكر والقرفه ونرصها في
الصينيه (انا استخدمت قوالب السيليكون)
ترى اللي في الصينيه مو وسخ ...هذي قرفه وسكر اسمر :D
بعد ماتنتهي الكميه ندخلها فرن حار ونتركها الى ان تتضاعف وتنضج
ملاحظه : لاتعبي الصينيه للاخر بالعجين لان حجمها بيزيد وبترتفع
خرجيها من الفرن واتركيها تبرد شوي وبعدين اقلبيها في طبق التقديم وصبي عليها الحليب المكثف المحلى على
شكل خطوط وقدميها بالهناء والعافيه ....وهذا هو شكلها النهائي تبارك الله لاقوة الا بالله
وهنا سويت حبه صغيره ورسلتها لاختي لانها جارتي
وهذي سويتها على شكل خلية نحل ووزعتها على جاراتي قبل الفطور عليهم بالعافيه يارب
يارب تكون عجبتكم واي استفسار انا في الخدمه وكل عام وانتم بخير
وتم الحفظ