حلى جنيهات الذهب شكل جديد يميميميم

شوي شوي على هونكن لا تخافن منتب حاطات جنيهات ذهب
بس الحلى يكون شكله من فوق شكل جديد كنه جنيهات لانه
دوائر ذهبيه بعد التقطيع :42: المهم الى الحلى


الطريقه

1- بسكويت شاي مطحون + نصف قالب زبده + شوي ماء للعجن .
تخلطين البسكويت مع الزبده وتزيدي ماء حتى تنعجن زين وترصيها في
صينية بيركس .

2- 8 حبات كيري + علبة نستله كبير في الخلاط ثم توضع فوق طبقة
البسكويت وتدخل الفرن مدة 20 دقيقه تقريبا.

3- هنا:o جنيهات الذهب لالالا لا تحطين جنيهات هههههههه هو عباره
عن بسكويت اسمه (ماركة فون ) وهوعباره عن دوائر من البسكويت الهش
بحجم جنيه الذهب فيه منه نوعين بطعم الربيان او الخضار ويوجد في المحامص
والتموينات ( في الرياض عند محامص الرون ) وسعره تسعه ريال للكرتون
تحتاجين باكيت ونص تقريبا للصينيه بعد مايطلع الحلى من الفرن ويبرد شوى
صفي بسكويت فون فوق الحلى وخلي مسافه بسيطه بين دوائر البسكويت بحيث
انك لما تقطعينه يكون مربع في داخله دائره وخلى صفك يكون على شكل صفوف
منتظمه............

4- جيبي باكيت كريم كارميل وحطي عليه علبة سفن اب وخليه يغلي علي النار
حتي يفور لازم يفور حتى تجمد الطبقه الرابعه وبعد مايفور خليه دقيقه يبرد
وبعدين صبيه شوي شوي فوق طبقة بسكويت فون ودخليه الثلاجه حتى يبرد
وعند التقطيع خليه على شكل مربع في وسطه دائره وشوفي الشكل :32:
الجديد والكشخه وبالعافيه .