كيفكم ياحلوات ان شاء الله طيبين
راح انزلكم حلى بس هالمرة انتوا سموه احترت شنو اسميه
لعيون الاميررررررة اسم الحلى
حلى نبض ابوي
المقادير
الطبقة الاولى
كيك بالكاكاو سواء جاهز او بالمنزل انا حطيت جاهز وتقطعينه شرايح وترصينه بالصينية
بعدين تجيبين علبة قشطة وتخلطينها مع 3 ملاعق نوتيلا وتحطينها فوق الكيك
الطبقة الثانية
تسوين كريك كراميل وتخلينه ثقيل وتتركينه على جنب
تجيبين نصف كيسة شعيريه باكستانية وتحمسينها مع الزبدة
لما تحسين انو الكريم كراميل بدا يثقل حطي عليه الشعيريه وبعدين صبيها بهدوء على الطبقة الاولى مثل كذا
![](https://d2s63a22uzwg40.cloudfront.net/PE/2010/12/22/09/Kl653647-1.jpg)
الطبقة الثالثة
تغمسين بسكوت شاي في حليب وترصينه بالصينية
وتغمسين بسكوت اوريو في حليب وتكسرينه وترصينه فوق البسكوت زي كذ
![](https://d2s63a22uzwg40.cloudfront.net/PE/2010/12/22/09/cvI53730-1.jpg)
بعدين تخلطين 2 ظرف دريم ويب مع بيالة حليب بارد وفانيلا وتخلينها الين تتضاعف بعدين حطي 2 علبة قشطة واخلطي وعلبة نستله صغيرة و4 حبات جبن كيري وتخلطينها سوى وتقسمين الخليط نصفين وتحطين النصف الابيض فوق الاوريو مثل كذا
![](https://d2s63a22uzwg40.cloudfront.net/PE/2010/12/22/09/Mgh53787-1.jpg)
الطبقة الرابعة
ترصين طبقة بسكوت او ممكن كيك بالفراولة اختياري
بعدين تجيبين الباقي من الكريمة وتحطين 2 ملعقة كبيرة جلي بالفرولة وتخلطينها
ثم تصبينها كطبقة اخيرة راح يكون لونها وردي
مثل كذا
![](https://d2s63a22uzwg40.cloudfront.net/postexternals/notFoundFromSource.jpg)
![](https://d2s63a22uzwg40.cloudfront.net/PE/2010/12/22/09/Re553911-1.jpg)
![](https://d2s63a22uzwg40.cloudfront.net/PE/2010/12/22/09/L5F53973-1.jpg)
اتمنى يعجبكم
دمتم في رعاية الرحمن
ملحوظة
ممكن الاستبدال بين الطبقتين الاولى والثانية يطلع حلو بعد هذا اسمي بمنتديات ثانية