أخباركم ياحلوات ***** الله تكونون بأتم الصحه والعافيه يارب
المهم الموضوع مثل ماشفتوه حلى وهو انا كنت مسويته لصديقاتي الحلوات لبى قلبهن سويته من عقلي طبعا كنت أسويه بأخر الليل هههههههه والله بأخر الليل تطلع الأفكار :2thmup:الحلوه وقمت أفكر قلت ياربي وش اسوي وسويت هالحلى بس انا اللحين صورت لكم هو الحلى لكن مو اللي أول مره لا اللي ثاني مره >>>أخلصي علينا
أيه سويته وكان عندنا عزيمة وضبط الحمدلله وكان طعمه احلى من أول مره
يالله اللحين نجي للمقادير وهي :الطبقة الأولى :
كيكة بيتي كروكر اللي بالشوكلاته السودا >>>أنا استخدمته الكرتون كله علشان تكون متماسكه أكثر
نكون محضرينها من قبل على حسب التعليمات المكتوبة من الخلف
وبعد ماتبرد نفتفتها ونحطها بالصينيه ونضغط عليها مثل مانتوا شايفين
الطبقة الثانية :طبعا أنا سويت كوب حليب سايل يعني حطيت مويه وحليب بودرة وصار حليب سايل وخلطته لمن ذاب وجبت نسكافيه مقدار ملعقه طعام مسح وخلطته معاه وحطيت سكر مقدار تقريبا ربع فنجال على حسب اللي أنتي تبينه إذا حالي ولا عادي أنا صار حلو طعمه بس مو حيل حالي وتخلطينه وتحطينه بالميكرويف أنا سخنته فيه أسرع وقت وخليته دقيقه المهم هذي صورة الحليب
ونجيب بعدها بسكويت شاي >>>اعذروني على شكله مو مرتب خخخخخخ مكسر يالله قدرت أتحكم فيه
نغمس البسكويت بالحليب اللي سويناه ونصفه فوق الطبقه الأولى وهنا بعد ماغمسته وصفيته بعدها
نجي اللحين للطبقه الثالثة:وهي عبارة عن خليط وهي علبة قشطه وظرف كريم كراميل وشوية سكر بودرة وملعقه من خليط البيتي كروكر البودرة يعني قبل لاتسوينها خوذي منها مقدار ملعقه كبيره وذرة نسكافيه ونخلطهم مع بعض
...بالنسبه لكميه السكر على حسب ذوقك أنا حطيت تقريبي مو مقدار بالضبط
أنا خلطتها وكانت الكيكة بالفرن وحطيتها بالثلاجه وهنا يوم جيت أبي أحطها على الطبقه الثانيه
وبعد ماحطيت الخلطه على الطبقه الثانيه زينته بكورن فلكس فتفته ورشيته فوقه وهذا شكله النهائي
واللحين بعد ماقطعته أختي ورتبناه أنا وياها
وهاذي احلى حبة لأول وحدة ترد :)
وبس الحمدلله
أتمنى أني أكون قدمت شئ حاز على رضاكم بس عندي ملاحظة لا أحلل ولاأسامح اللي تنقله لمنتديات ثانيه وتدعي أنها هي اللي سوته لأني والله تعبت وأنا أحمل وأنزل و***** الله ولا وحده منكم يالغاليات تدعي انها هي اللي سوته
بس عندي ملاحظه بسيطه وهي أنه أنا حطيت 2 قشطه لأنه الصينيه كبيره شوي
وسويت الكيكه كلها بعد نفس السبب حجم الصينيه
مع تحيات :الملوخية :cook:
تسلم الايادي