حلى سهل سهل سهل بنتك الصغيرة تقدر تسويه وطعمه خطير

السلام عليكم كيف حالكم صبايا
موضوعي هذا عطوني فيه بناتكم الصغار أعلمهم الطبخ والنفخ على أصوله............... الأخت واثقه
هذا وأنا ما بعد سويته شايله فيه وحاطه:7_5_131: إذا سويته مدري وش بيصير فيني
أخواتي لا تشرهون علي تراني أول مره أكتب موضوع وفرحانه مره , بس قولي معي يارب ما يكون أحد سبقني وكتب طريقة الحلى
حلاي النهارده يا إخواتي .........أي نهارده الساعة وحده ونص في الليل
يؤ يؤ معليش حبايبي طولت عليكم , نجي للقصه أول ثم المقادير .......... ما تنفع المقادير بدون قصه
قبل يومين كان عندنا عزيمه , وحده من قريباتي الله يجزاها خير ويشفيها ويعافيها أرسلت لي حلى ........ طبعاً أكيد عرفتوه اللي راح أعطيكم مقاديره إن شاء الله ...عارفه بتقولون طولتها وهي صغيرة بس والله يستاهل
المهم كل من ذاقه انهبل عليه , عاد اختكم طوالي دقت عليها وجابتلكم مقاديره ........أعجبكم سنعه
تمت القصه
المقادير :
بسكويت جوزا عاد هذا سالفته سالفه ...معليش تحملوني ......... البسكويت هذا صعب تلقونه في التموينات ما تلقونه إلا في محلات الحلويات اللي في الأسواق مثل محل الحمود في طيبة والعويس وما شابهه
عاد أنا عارفتكم زين بتقولون وين صورته ؟ أبقولكم ما عندي كمره علشان أصوره لكم بس هو معروف كذا اسمه بسكويت جوزا لونه بني , طبعاً هذا لون البسكويت نفسه وياليت اللي تعرفه أو عندها منه تصوره ولها مني دعوه
طبعاً تصفين البسكويت في صينيه ثم تجيبين قدر صغير و تحطين فيه
(2 علبة قشطة + 3 ظرف كريمة كراميل )تحرك على النار شوي ثم ندهن بها البسكويت ثم نصف طبقة ثانية بسكويت ثم ندهنها بباقي الخليط ثم نصف طبقة ثالثة من البسكويت ثم تضعين
في الخلاط (6 حبات كيري +1 علبة نستله )ثم نضعها على الوجه نرش عليها نسكافه وتدخل الثلاجه حتى تبرد وبالعافيه

ملاحظة : سر نجاح الحلى هو البسكويت يعني ما تقدرين تسوينه بنوع ثاني من البسكويت وكل من شاف الحلى ما كان يدري إنه بسكويت كانوا يحسبونه إنه كيك مصلح بالفرن وترى البسكويت هذا سعره مره رخيص ...................نصيحه لا يفوتكم تراه يدوخ


لا تنسون تدعون لي بالتوفيق وللي أرسلته لي بالشفاء العاجل و أي سؤال أنا حاضره ........أسألوا عاد لا تفشلوني :42: