حلى سهل مرررره وفخم مرررره ..تفضلوا حيالكم..

السلام عليكم ورحمة الله وبركاته ... غالياتي حبيت أفيدكم بحلى سويته بعزومه عندي..

وبصراحه شكله خيال.. وطعمه بعد مممممممممممم..

شوفوا صورة الحلى عند التقديم....





أولا المقادير:

علبة نستله..

6 حبات جبن كيري..

كيس ونص بسكوت الشاهي ..إذا اكيس كبيره .. إذا الهلال كيستين..

أصبع زبده..

نجي للمهم اللي هو بسكوت سويس بيسك.. وهذي صورة كرتونه..



وهذا شكله إذا فكيتيه..



الطريقه سهله مررره... أولا تطحنين بسكوت الشاهي وتضيفين له الزبده بعد تذويبها..

وممكن علشان تتماسك تحطين ملعقتين قشطه أو شوي حليب سايل..

وترصيته بالصينيه ..

وبعدين تخلطين بالخلاط النستله مع الجبن وتحطينه على طبقة البسكوت..

وبعدين في الفرن من الأعلى حتى تتماسك..

وبعدها جيبي البسكوت وبللي كل حبه شوي بحليب علشان طبقة البسكوت تذوب شوي

بس لا تكثرين علشان مايخرب شكله .. وأبدي رصيه بالصينيه على طبقة النستله..

ويصير شكله كذا....



وبعدين حطيه في الثلاجه وعند التقديم قطعيه ورصيه بالصينيه ... وقدميه بالهنا والعافيه ..