حلى سهل ولذييييييييييييييييييييييييييي يذ والكل راح يمدحك وأنت راح تشكريني عليه

السلام عليكم ورحمة الله وبركاته .. [[[[لا تنسون تردون السلام علي:)
المهم أنا عندي لكم حلى إنما إيه راح يعجبكم بس هالله هالله في الردود وياليت بس بعد ماتجربونة لأني متأكدة بعون الله راح يعجبكم (((( واثقة من نفسها))))
المقادير كلها تسوينها بكوب الجبنة السائلة الكبير حقت كرافت
( أ )
2 كوب حليب نيدو جاف
2 كوب ماء
نصف كوب سكر
1 بيضة
2و ربع ملعقة دقيق عشان تثقل الخلطة.
شوية فانيليا
1 زبدة صغير المراعي ولو كانت الدنماركية راح تطلع أحلى بس ما أدري عنكم مقاطعينها ولا لأ على العموم زبدة المراعي بتطلعها حلوة كمان

( ب )
3 - 4 ملا عق كاكاو بودرة طبعا // معليش على التعديل في الموضوع بس عشان أوضح إن الكاكاو هو بودرة تنباع في علب اسطوانية لون العلبة حقتي بنية بس ما أدري إذا كان فيه أشكال ثانية ولا لأ؟
(ج)
بسكويت ماري
كل مقادير ( أ ) حطيها بالخلاط وبعدين بالقدر وبعدين على النار لييييييييين تثقل
خذي البسكويت وصفيه بصحن التقديم بدون ما تبليليه بيطلع الطعم أحلى ولو حبيتي تبليليه بالحليب بكيفك بس أنا أسويها بدون تبليل وعلى فكرة دايما أسوي في حقت صحون الجلي عشان عيالي الله يحفظهم كل واحد ياكل لحاله كذا أنظف أحسن من لو كان في صحن تقديم واحد يبقى الخيارالأخير لك .. المهم بعد ما صفيتي البسكويت حطي عليه نصف الخلطة وبقي نصف الخلطة عشان بتحطي عليها الكاكاو وبتحركيه زين لين يذوب الكاكاو مع الخلطة راح يبقى بعض الحبيبات الصغيرة بس ما عليك ..ولو حبيتي اللون يكون أغمق زيدي كمان ملعقة كاكاو المهم رصي طبقة بسكويت ثانية وحطي باقي الخلطة عليها .. ثم زينيه بالبسكويت المطحون أو الفستق والثلاجة على طول وبالهناء والعافية .. تصدقون إني أسوي بصحون الجلي حوالي 20 صحن وما يجي الساعة ثمان العشاء إلا والثلاجة فاضية لذييييييييييييذ فوق الخيال يالله جربوها وادعولي