من زمااااااااااااان مانزلت مواضيع في المطبخ ..
يالله حسن الخاتمه ..
المهم اليوم جبت لكم حلى خفيف وسريع لو بيوم بغيتي تسيرين على احد ولا احد بيجيك فجأه
ماياخذ منك وقت ابد ابد ..
المقادير والطريقه :
علبتين بسكويت ديلوكس الازرق زي اللي بالصوره لاتجيبون الاخضر ولا الاصفر انتبهوا تراه فيهم نكهات
خضار وجبن الازرق هو المطلوب لأنه بنكهته الاصليه..
اصبع زبده
بياله شاهي حليب بودره
بياله شاهي سكر
بياله شاهي مويه
ملعقه صغيره قرفه
6 ملاعق كبار عسل
اخلطي كل المقادير ماعدا البسكوت على النار ..(لايغلي بس الين يتجانس وتذوب الزبده)..
الحين جيبي صينيه بايركس الوسط صفي طبقه بسكوت وشوي من الخلطه بعدين طبقه بسكوت وبعد خلطه
وبعد بسكوت وصبي كل الخلطه (يعني 3 طبقات بسكوت) ورشي الوجه بلوز مبشور ..
دخليها الفرن تتحمر شوي بس انتبهوا تحمرونها زياده دخليها الفرن بس عشان تتماسك وتشرب الخلطه
خليها تتحمر تحمير خفيف عشان لاتصير يابسه .. تقريبا ربع ساعه او حسب حرارة الفرن ..
بس طلعيها وخليها تبرد وقطعيها اصابع او حسب ماتبين وقدميها ..
وهاذي الصوره النهائيه ..
وهاذي صورة البسكوت ..
والف صحه وعافيه .. العذر والسموحه لو كان مكرر تراه قديم بس هالأيام تذكرته ((قديمك نديمك))..
تراه لذيذ جدا جدا وراح ياخذون طريقته منكم