هذي أول مرة أتفلسف وأحط طبخة في المنتدى لا وأصورها بعد..من الفلاحة!!!
لا تفشلوني ولا تضحكون على تصويري الخاش باش
توني عليمية..
الزبدة: أنا شفت حلى "عاشقة فلسطين" اللي هذا رابطه
http://forum.hawaaworld.com/showthread.php?t=706234
وعجبتني فكرته كثير، بس حبيت أعدل عليها شوي وأعمله حلى سفرة
شوفو وش خبصت:
أولا: سويت أربع أشكال جيلي، وطبعا خليته ثقيل عشان يكون جامد
ثانيا: قطعته مربعات
ثالثا: صفيت بسكويت شاي في صينية بايركس كبيرة، وبعدين حطيت الجيلي عليه وحاولت أن الألوان تكون متفرقة.
رابعا : ضربت في الخلاط كوب حليب بارد جدا، مع واحد قشطة ومع واحد دريم ويب، مع علبة حليب محلى كبيرة ونصف كوب سكر.
وعلى جنب حليت أربع أكياس جيلاتين في كوب ماي مغلي وهذا هو النوع اللي استخدمته، ,انا حطيت أربع أكياس لأنها أكياس صغيرة ،وما حصلت في المجمع غيره:

خامسا: حطيت الجيلاتين على الخلطة وضربتهم سوا.
سادسا صبيت الخلطة على الجيلي:
سابعا: حطيته في الثلاجة لحد ما جمد تمام، أنا خليته ليلة كاملة ،أنتي على كيفك، وبعدين قطعته (وأخيرا خلص الفيلم الهندي، وهذي هي النهاية المفرحة لما تزوج البطل البطلة وتمتعوا بالحلى البارد الظريف)
أتمنى أني أكون سويت شي يعجب ولو وحدة منكم وتقول لي: تسلم يمينك يا أم عبادي يخلي لك عبادي وأخته.
ملاحظة جديدة::::
ترا فيه في الصفحة الثالثة من نفس هذا الموضوع طريقة ثانية أحلى لنفس هالحلى، وحيا الله كل من تمر هنا...حيا الله الربعات