عاد يوم صرت سنعه جبت لكم حلى سنع مثلي
المقادير والطريقة مرة وحده :
الخطوة الأولى (1) : كيك سويسرول كاكاو مقطع حلقات يرص في قاعدة الصينية المتحركه ( اللي تنفتح قاعدتها ) وعلى جدرانها
الخطوه الثانية (2) الطبقة الصفراء : 2قشطه + 2 دريم ويب + 2 كريمه + 6 حبا ت جبن ( مانيب قايله كرفت عشان ما يصير دعايه لووووول )
== > نقوم بخفقها جميعاً حتى تتكون كريمه ( ممكن تحطينها في الخلاط لو ماعندك خفاقه) ثم نضعها على الكيك و تبرد في الثلاجة
الخطوة الثالثة (3) طبقة السنكرس : 8 حبات سنكرس ابو ريال + ربع اصبع زبدة + نص كاس حليب بودره + كاس جبن بوك صغير ( هالمره جاي على بالي اسويلهم دعايه ) == > حطيهم بقدر على النار حتى يسيح السنكرس ويتجانس الخليط ، خليه يبرد شوي وبعدين صبيه على الصينيه فوق الطبقة الصفراء
ثم زجي الصينيه مرة اخرى في الثلاجة حتى تبرد ( الله يحرسني )
ولتزيين ممكن تبشرين فوقها كاكاو فليك او جالكسي
<<<< وينه عني وزير المعارف ما يعيني على هالشرح الوافي والشافي
وهذي الصوره طبعا بدون تزيين خفت انضل فقلت ماله داعي ازينها
صدقوني طعمها جنااااااااااااااااااااااااااان وشكلها روعه
جربوها وانتم احكموا
بس عاد لا تكثرون اكل :10_8_10:
وتصيرون كذا والعروس مقبله :10_8_11:
<< وحده عا جبتها الصور وملزمه تحطها