حلى عشاء لذيذ وسهل مثل (جاتوهات المطاعم) وإن بغيتي سواريه

السلام عليكم ورحمة الله وبركاته,,

كيف حال بنات حواء الحبوبات ..؟؟!!

سويت حلى والله لذيذ سألوني عن سر الطعم الحلو فيه كأنه جاهز وفوق كذا شكله أنيق خخخخخخخخ عرض أزياء؟؟..

ولعيون الحلوين بشارك بأول موضوع في عالم الطبخ هني..

المقادير والطريقة : (وحدة ماعندها وقت)
كيك سويسرول أمريكانا العريض جيبي منه بالشوكولاته والفراوله
حضري الصينية اللي تنفتح
قطعي الكيك دوائر متساويه
على الجوانب صفي كيك الفراوله بالطول وقفيهم يعني على حافة الصينية من جوا
ثم صفي طبقة من كيك الشوكولاته في قاع الصينيه من الداخل
يعني الوسط بني والجوانب سكري..
نأتي إلى خلطةالوسط الحلوة :
1 ظرف دريم ويب
1 جلي أناناس
8 حبات جبن كيري
1 علبة قيمر صغيرة أو نصف علبة الكبيرة
تخلط المقادير بالمضرب الكهربائي حتى تتكثف وتتماسك ,,
بعد كذا نضعها على الكيك ثم ندخلها الثلاجة لين تبرد شوي..
نطلعها من الثلاجة
ونضع عليها الطبقة الثالثة والأخيرة
وأنت مخيرة:
إذا تبين تضعين عليها باي فيلنق التارت طبعا أسرع
أو الجلي الأحمر بالكرز
مكون من:
6ملاعق من جلي الكرز
ربع ماي مغلي حركيهم مع بعض وقطعي فيهم فراولة طازجه أو مربى فراولة
واسكبي الجلي مع قطع الفراولة فوق الطبقة
دخليها الفريزر لمدة ساعة ثم نزليها للتبريد العادي بالثلاجة
بعد كذا فكي الصينية وبتلاحظين إن السويسرول على الجوانب طالع أطول من اللي جوا عشان كذا سوي الشكل النهائي اللي يخلي حركة الجاتوه جاهز
وهو إنك تجيبي السكين وتقطعين كل قطعة من السوسرول من براعلى حد خلطة الجلي ثم اثنيها من جوا وبيطلع لك على حواف الصينيه من فوق نصف قطعة سويسرول ومن الجوانب النصف الثاني ,,
وبالهنااااااااااء والعافية على قلوب الغاليات..

أتمنى تكون الطريقة مفهومة وأي استفسار أنا بالخدمة,,
ما عليش صور ما أعرف أنزل وإلا كان من عيوني أسوي لكم وأصوره ,,
الشكوى لله :(