حلى عمركم ماذقتووووووووووه ...... احلى منه مافيه

مرحبا فيكم ..... امووووووووت انا بالحلويات ومااقدر اقاومها وبصراحه هذي اول مشاركه لي معكم واتمنى انها تعجبكم ادري انكم مستعجلين تبون تعرفون وشو هذا الحلى اللي مافيه احلى منه لكني حابه اشووقكم شويه ...... لااتسألوني عن اسمه وربي ماله اسم لكن اذا سويتوه وعجبكم ياليت تدعون لي ..... اتمنى ماحد منكم يدعي علي (( اقصد اللي مايعجبهم )) ارجع واقول الناس اذواق .... المهم ادري اني طووولت عليكم وراح اشرح لكم الحين الطريقه
1) ناخذ شريحة بريده ونقطعها 4 دوائر يمكن البعض يقول كيف ماتجي اربع انا اقول لكم كيف(( تعرفون الاقماع المعدنيه حقت العجينه المفرغه واللي تحشينها بعدين هم مقاسين كبير وصغير انتي طبعا استخدمي الصغير )) وبعد ماتقطعينها 4 دوائر جهزي خلطتين :
الخلطة الاولى : نصف علبة قشطه // ظرف واحد دريم ويب // وملعقتين حليب بودره " نيدو"

الخلطة الثانيه : علبه ونصف قشطه // 3 حبات جالكسي الساده // وصبع ونصف زبده
سيحي الزبده على نار هاديه ثم ضعي عليها الجالكسي ثم القشطه ونحركها حتى تطلع الفقاعات ثم نطفي النار عليها .

2) اخذ دائره من دوائر البريد واضع عليها الخلطه الاولى ثم اضع عليها دائره ثانيه واضعها في الخلطة الثانيه بحيث اني اغطيها كليا واعمل بقية الدوائر بنفس الطريقه وبامكانك عمل الكمية التي تريدين ثم اضع كل حبه على قوالب الباونتي الورقيه حيث تعطيها شكلا جميلا ثم ارش عليها جوز الهند المبشور واضعها في الثلاجه لمده ساعه ونصف ويمكن اقل ويمكن اكثر ....
اتمنى تعجبكم مشاركتي وانتظر ردودكم الحلوه (( مو الشينه )) عليها :cook: