المقادير
خليط كيك كاكاو جاهز النوع اللي تحبين وتوابعه من ( بيض- زيت – ماء) استخدمت ( بست ميكس )
كوبين ماء
قهوه (نسكافيه)
سكر
الكريمه البيضاء:
علبة قشطه
ظرفين دريم ويب عليهم نص كاس حليب بارد
ست حبات جبن كيري
رشة فانيلا
كريمة القهوة:
نحط نفس كمية مقادير الكريمه البيضاء ونزيد عليها ( ربع علبة الحليب المحلى – الكبيره- + نصف كاس من شراب القهوه )
بسكوت التيرامايسو المشهور ( ليدي فينقر ) انا لقيت ماركه ثانيه بس نفس الفكره
للزينه:
بودرة كاكاو + مالتيزر
الطريقه
اول شي نحضر كيكة الكاكاو بالطريقه المعروفه << مكتوبه من ورا للي ماتعرف خخخخ وندخلها الفرن
نبدا نحضر شراب القهوه : نخلك كوبين الماي مع ست ملاعق نسكافيه و سكر انا حطيته بدون قياس ونحطه على جنب
نجهز الخفاقه الكهربائيه << مدري اسمها صح ولاغلط المهم بكشخها خخخخخ
نخفق الدريم ويب مع الحليب البارد وباقي مكونات الكريمه البيضاء ونحطها بالثلاجه
في باديه ثانيه نحضر كريمة القهوه وندخلها بالثلاجه
اذا استوت الكيكه
نرشها من شراب القهوه ونضغطها بالشوكه لما تتساوى بالصينيه
يتبع لااحد يرد ياحلوت
بعدين نحط الكريمه البيضاء
بعدين نجيب البسكوت ونغمسه بشراب القهوه تغميس سريع ومن جهه وحده ونصف الوجه المغمس على الكريمه
اذا خلصنا ترتيب البسكوت نرش وجه البسكوت اللي ماغمسناه بشراب القهوه من نفس الشراب بس مانكثر عشان ماينقع
بعدين نحط كريمة القهوه
بعدين نزينها بشوية كاكاو بودره بالمنخل عشان يتوزع زين
ونصفف كرات المالتيزر على الطريقه اللي نحبها
وتدخل الثلاجه لانها كلما كانت ابرد كلما صارت احلى
وبالعافيه عليكم
اتمنى عجبكم الحلا جربوه لانه لذييييييييييييييييذ خاصة لمحبي القهوه
ملاحظه مهمه:: كلما طولت بالثلاجه احسن عشان تتشرب الطعم
وماابي منكم الاتدعون لامي حبيبتي اللي علمتني هالحلى وكل الطبخات ان الله يشافيها ويكشف عنها .. طلبتكم ..