حلى قطع الكيك بالبسكوت

اشكر صاحبة الحلى المبدعة فى المنتدى ولها جزيل الشكر
خواتى انا سويت الحلى وكان الصراحة رائع بمعنى الكلمة فحبيت انقل لكم الحلى اللذيذ
مقادير الكيك
3بيضات + نصف كاس زيت + نصف كاس سكر + علبة قشطة +كاس دقيق +ملعقة بيكن باودر
الطريقة
نخفق البيض جيدا بعدها نبدء باضافة السكر تدريجيا مع الاستمرار بالخفق ثم الزيت وعندما تنسجم المقادير نضيف علبة القشطة ونخفق جيدا بعدها نضيف الدقيق والبينكن باودر
تدهن صينية الفرن بالزيت او تبطن بورق الزبدة ويصب الخليط داخلها وتدخل الفرن ل20 الى 30 د
(ملاحظة مهمة يجب ان تكون الصينية كبيرة قليلا لكي لاتكون طبقة الكيك منتفخة )
بعدها نخلط علبة حليب محلى (انا استخدمت بوني ) + 8 حباج جبن كيري او جبن مثلثات
وتخلط جيدا في الخلاط ثم تصب على الكيكة وهي حارة اول مانطلعها من الفرن
ثم تعاد الصينية الى الفرن مع تشغيله فقط من فوق لتتحمر قليلا لان الطبقة هذي
بسرعة تتماسك وتتحمر انتبهي لها ماتاخذ اكثر من 5 دقائق
لحين تاخذين بسكويت لبيز وتصفينه على وجه الكيكة كلها
(تخلين الكيكة اول تبرد ل15 دقيقة عشان تفتر حرارةها )
الحين جيبي علبة كريم كراميل واخلطيها مع كاس ماء وتخلط جيدا على النار فقط لتنسجم المقادير
مع بعض ثم تضب فوق البسكويت بعد ان تفتر حرارة لخليط
شوفوا كيف عطت الخلطة للبسكويت بريق
تدخل الصينية الثلاجة لتتماسك لمدة ساعة
بعدها تقطعينه مربعات وتصفينه بورق التزيين (الكاب كيك)
على فكرة لاتخافين يصلق معاج او يتفتت تراه يطلع بسهولة ماتتخيلينها
وطعمه يذوب بالفم ماشاء الله روعة






حبيباتي ياليت اي وحدة تجرب الطريقة تقول لنا رأيها


وللأمانة منقول