حلى قهوة خفيف وسهل مرة ......اشكال الشوكلاته واكياس النقود بعجينة السبرنغ رول

اهلين وسهلين ..خلصت امتحاناتي وتفرغت لكم وجبت لكم حلى مع القهوه يقرمش ولذيذ وكلا" بيسألك عنه ويحسبونه جاهز وتقدرين تفرزنينه وتستخدمينة متى ماجاك ضيوف فجأه

1_عجينة السبرنغ رول المربعه الوسط الي حجمها تقريبا" شبر في شبر تتركينها تذوب شوي وتقطعينها 4 مربعات وتغطينها اثناء استخدامك له عشان ماتمشف.
2_تمر منزوع النوى,قرفة بودرة
3_اربطه صغيرة سواء مثل الي تكون مربوطه على اكياس التوست او تعملينها من القصدير مثل الخيوط صغار
نبـــــــــــــــــــــــــــــــــــــــــــــــــــــــــــــــــــــــــــــــــــداء":
لأشكال الشوكلاته:
ناخذ قطعه صغيرة بحجم حبة الحمص من التمر ونغمسها في القرفة ونشكلها بيضاوي مثل حجم وشكل نوى التمر(فهمتوا وش اقصد؟)ونحطها بمنتصف المربع ونلفها عليه كأنك تفكين حبة شوكلاته يعني نمسكها من اطرافها الأيمن والأيسر ونبرمها بشكل متعاكس فتطلع مثل شكل الشوكلاته ونربط اطرافها بالبلاستك او أربطة القصدير ونحطها بأي صحن من غير مانغطيها (هنا السر...نبيها تجف بنفس الشكل )ونكمل نص الكميه.

لأشكال اكياس النقود:
نفس حركة التمر الي اعلاه بس نخليها مدورة مثل حبة الحمص ونحطها في نص المربع ونجمع اطرافه مثل كيس النقود أو الصرة ونربطها برباط القصدير ونكمل الباقي.

وبعد ماتنتهي الكمية فكي الأربطة بعد ماتكون نشفت وأحتفظت باشكالها واقليها في زيت حتى تصبح ذهبيه فاتحه مرة
ثم غمسيها في شيرة بارده وصفيها منه ورتبيها سيدين واحد اشوكلاته والثاني الاكياس ورشيها بفستق مطحون خشن او جوزهند محمر وقدميها مع القهوه ووالله ماراح تشبعون منها انتي وزوجك لانها تقرمش وخفيفه ةتذوب فالفم مع فنجال قهوه مزعفر بتكيفين صح.:42: :o

تقدرين تفكين أربطتهم وتحطينهم بأكياس وتحطينهم بالفريزر ومجرد ما يجيك احد أو تبين تقدمينها مع قهوتك اليومية لابو عيالك:arb: طلعيها واقليها وسوي مثل ماقلت لك.