ياهلا والله فيكم .. :27:
هذي طريقة حلى رووعة بطعمه وشكله ، والأحلى ان الطريقة سهلة ومايبي لها شي غير الوقت " وقت للتبريد " .. ولا حتى الأطفال ممكن يسوونه من سهولته ..
مرة سويته بنفسي وصورته وهذي هي الصورة .. ومعليش اعذروني على الأجزاء المهشمة من الحلى خخخخخخخخخخ .. بس لأني كنت مستعجلة عليه وقطعته بسرعة وماخليته يبرد وقت كافي ، واعتبروا الصورة عظة وعبرة عشان ماتسوون غلطتي ..
:42: :42: :42:
والحين تفضلوا الطريقة وهي على ثلاثة خطوات :
الخطوة الأولى :
نجيب علبة بسكويت أولكر ( أي بسكوت شاي ) ونطحنها طحن ناعم ، ونخلطها بزبدة ( تقريباً ثلاث أرباع قالب صغير ) + شوية من الزيت ( ويفضل زيت دوار الشمس ) ، حتى يصير المزيج لين ورطب وسهل التشكيل تقريباً . ونفرد الخلطة هذي على قاع الصينية .
الخطوة الثانية :
نجيب علبتين زبادي صغيرة ، كاس سكر واحد ، كاس وربع حليب بودرة .
نخلطه في الخلاط زين ونصبه فوق خلطة البسكوت .
بعدين ندخله الفرن ربع ساعة بس بعدما نولع عليه من تحت .
بعدين نحط الصينية في الثلاجة لمدة 3 ساعات أو أكثر .:time:
الخطوة الثالثة :
نحط في قدر : 1 باكيت كريم كراميل الأخضر ، نص كاسة موية أو أكثر بشوي ، ربع ملعقة صغيرة شوكولاته بودرة ، ربع ملعقة صغيرة نسكافيه .
ونحطه على النارونغليه ، وبعد الغليان على طول ناخذ منه بمغرفة أو ملعقة .. إلخ ، المهم نصبه بسرعة ( لأنه يجمد بسرعة ) على سطح الخليط الثاني المبرد بالتساوي .
بيطلع المزيج شفاف زي الصورة .
ونحطه في الثلاجة لمدة يوم كامل أو أكثر ..
وعلى فكرة كلما زادت المدة كلما كان أفضل ، ترى والله حتى طعمه يتغير ويصير حلووو مرة .. يعني خذوها قاعدة : ( هذا الحلى يحب البراد ) !! :42: :42: