http://forum.hawaaworld.com/showthread.php?t=1304742
السلام عليكم ورحمه الله
هلا وغلا بأحلى الشيفات والغير شيفات
اخباركم ؟
اول مره انزل موضوع في هالقسم <<< يعني لاتفشلوووني :35:
هذا الحلى اسمه حلى الفناجين المقلوبه شبيه لحد ما حلى الفناجين القديم
بس روووعه وان شاء الله بصلحه بعد فتره واحاول انزل لكم الصوره
اول شي طبعااا المقادير
باكيت بسكويت اولكر
علبة قشطة
ملعقة كبيرة كاكاو بودرة
جالكسي فلوت
بسكويت اوريو
علبة حليب نستلة
4 حبات جبن كيري
ملعقة نسكافية كبيرة
بسكويت دائري الشكل
للتزين : صوص شوكولاته هيرشي السائلة
نايلون للتغليف + كاسات بلاستيكية الخاصة بالقهوة
الطريقه ::
نغلف الفناجين بالنايلون
بعدين نبدا بخلط 2 ملعقة قشطة مع الكاكاو البودرة زين بعدين نحطها على بسكويت الاولكر بعد ما نطحنه
تطلع لنا هالنتيجه
نحط مقدار كافي من العجينة ونفردها داخل الفناجين لين تاخذ شكله
بعدين نكسر جالكسي الفلوت ونحط مقدار بسيط داخل كل فنجان
في الخلاط نخلط 4 حبات كيري مع نصف علبة النستلة ونحط عليهم ملعقة النسكافية
بعدين نحطهم داخل الفناجين كذا :
الحين هنا المتبقي من خليط الكيري والنسكافية والنستلة نضيف عليه 5 حبات اوريو مطحون بكامل الحشوة يعني ما تشيلين الكريمة البيضاء ونخلطهم
نحط طبقه من الخليط الثاني حق الاوريو في الفناجين :
بعدين نحط اللي باقي من جالكسي الفلوت عليه كطبقه اخيره
هنا نجيب البسكويت الدائري ونحط عليه ملعقة صغيرة من النستلة المركز :
هنا نشيل النايلون عن الفناجين بعدين نلصقها على البسكويت بهالطريقة
بعدها نجيب حبات اوريو ونقسمها نصين ونشيل الكريمة ونغطي سطح الفنجان بحبات الوريو على شكل الغطاء المفتوح
نضع الفناجين في الثلاجة عشان تبرد وتتماسك .
الشكل النهائي :
وش رايكم ؟؟؟؟
منقوووووووول :27: