حلى قهوه لذيذ وسريع " يعني ما يبي فرن " للعجازات

بسم الله الرحمن الرحيم
السلام عليكم ورحمة الله وبركاته جميعاً بلا إستثناء
وش اخباركم وش علومكم بعد ما خلصت الاختبارات اخيراً وابتداء الناس بلإلتفات لبعضهم
المهم انا جايتكم اليوم معي حلا صراحه ما سويته بس عطيته صديقتي وسوته لزوجه واصحابه وجن جنونهم عليه تقول رجعت الصينيه فاضيه ما شاء الله
وبما ان بكرى الخميس الكل تقريباً رايح لأهلله بعد طول غيبه اكيد كل وحده منكم بتأخذ معه حلا لأهله وبالتوفيق ....
يالله نبدأ بسم الله وعلى بركة الله,,,
اول شي تحضرين صينية تقديم حلوه " بايركس " طبعاً
وبعدين نطحن بسكوت شاي نخليه ناعم ونغطي ارضية الصينية فيه يعني يكون هو القاعده وطبعاً البسكوت ما معه شي ساده .
بعدين تجيبين تمر وتشيلين اللب وتتطحنينه وبعدين تكورينه وترصينه بالصينية فوق البسكويت بشكل حلزوني يعني زي خلايا النحل بس ما تكون الكور متلاصقه خلي بينهم مسافة تقريباً واحد سم بين كل وحده والثانيه
بعد ما تمتلي الصينيه حطي بالخلاط 9 حبات جبن كيري + علبة قشطة + نص علبة حليب نستله مركز
بعد ما تخلطينهم تصبينهم فوق التمر بعدين اغرسي في كل تمره عود منقاش وبعدين دخليه الثلاجه حتى وقت التقديم وبالهناء والعافيه ( صديقتي تقو سوته الظهر وأخذه زوجه المغرب وكان جامد )
وان شاء الله اكون افدتكم اخواتي ادعولي ان الله يهون علي الولادة إن شاء الله نعالى ( يالله هون الطلق وحسن الخلق " اللهم آمين