السلام عليكم ورحمة الله
اهلين يابنات كيفكم ؟ان شاء الله تكونون بخيررر
المهم يابنات ماراح اطول السالفه وهي قصيره هذا الحلى سهل جدا وطعمه رهيب
من جد خطيررررررررررر .. اتمنى يكون جديد ومش مكرر
المقاديـــــر والطريقـــــــه :
علبة بسكوت الشاي مكسر صغير جدا
كاس وربع سميد
6 جالكسي ساده مقطع قطع صغيره (واللي امكانياتها ماتسمح لان الجالكسي غالي تحط مالكيتا لانها تقريبا نفس الطعم)
في الخلاط :
4 بيضات
فنجان سكر
ملعقه صغيره بيكنج بودر
نص كاس زيت
شوي فانيليا
تخلط المقادير السابقه في الخلاط ، ثم تصب على البسكوت والجالكسي والسميد وتخلط معه ، وطبعا راح تكون قاسيه بعدين حطيها بصينيه
بايركس كبيره ، وكسري شعيريه باكستانيه وحطيها فوقها لحد ماتتغطى مو لازم تحطين كل الشعيريه ، بعدين دخليها الفرن من تحت بس لاتطول
يعني لحد ماتستوي تقريبا ربع ساعه .. بعد ماتطلعينها من الفرن تكونين مجهزه حليب نستله المحلى الكبير وصبيه على طول فوقها وساويه
على كل الصينيه ، وخليها شوي برى لاتدخلينها الثلاجه على طول ..
وبالهنا والعافيه ،،، اتمنى تعملون هذا الحلى لانه فعلا لذيذ جدا
يلاااااااااا مع الصور
فعلا باين عليه بالمره طعم
يعطيك العافيه يارب
ويستحق التجربه