احلام2015 @ahlam2015_1

عضوة جديدة

حلى كاسات الثلاثي المرح فخم وراقي

الحلويات الشرقية والغربية • 9 سنوات

? ♥|| حلى كاسات الــ ثُـلاثي الــ مرِح .. فخم وراقي ||♥ ? أول شيء صورة عشان تشوفوا شكل الحلى ..~
1. الحلى يتكون من أربع طبقات .. ~ الطبقة الأولى : طبقة بسكويت الطبقة الثانية : الخليط الأبيض الطبقة الثالثة : الخليط البني .. وهي خلطة الثلاثي المرح الطبق الرابعة : الخليط الأصفر وراح أبدأ معاكم .. ▨▨▨▨المقادير والطريقة▨▨▨▨ هذي صورة المقادير .. بتكفي لعمل 10 كاسات حلى ▨▨▨▨الطبقة الأولى : طبقة البسكويت▨▨▨▨ حوالي 12 حبة بسكويت دايجستف 1 ملعقة صغيرة نسكافية 1ملعقة صغيرة سكر شوية موية دافية ضعي حبات بسكويت الدايجستف في كيس وكسريها بيدك ع خفيف ( مو محتاجة جهد كبير ) وحطيها بالكاسات بعدين ذوبي النسكافيه مع السكر في المويه وشربي بها البسكويت ع خفيف ! لا تكثرين ويغرق .. ملعقتين في كل كاس بتكفي ! طبعاً بإمكانك تستخدمي كيك الشوكولا بالكريمة لكني فضلت الدايجستف هالمرة وفي المرات الجاية راح أغير .. وأحط كيك شكوكولاته بالكريمة ..~ ▨▨▨▨الطبقة الثانية : الخليط الأبيض▨▨▨▨ علبة كبيرة حليب مكثف محلى 8 حبات جبن كيري بحرارة المطبخ ظرف واحد دريم ويب تخلط جميع المقادير بالخلاط الكهربائي لحد ما يصير قوامها كثيف .. وتصب فوق البسكويت بهدوء !غطي الكاسات .. ودخليها الثلاجة لحد ما يبرد الخليط ويتماسك .. وفي أثناء ذلك جهزي مقادير الطبقة الثالثة ..~
▨▨▨▨ الطبقة الثالثة : خليط الثلاثي المرح ▨▨▨▨ 2 علبة قشطة 2 ظرف دريم ويب 2 سنيكرس 2 تويكس 2 جالكسي بالمكسرات وبإمكانك استخدام ــ جالكسي منيتشرز ــ مثل اللي بالصورة 2 ملعقة طعام حليب نيدو بودرة 1 ملعقة طعام شوكولاته بودرة غير محلاة 2 ملعقة طعام سكر 5 حبات بسكويت أوريو قطعي الشوكليت ( السنيكرس والتويكس والجالكسي ) مكعبات .. وسيحيها في حمام مائي حتى تذوب فقط بعدين أضيفي القشطة وحركي الخليط مضبوط ! أضيفي الشوكلاته والحليب البودرة والسكر حسب ذوقك واخلطي ! لحد ما يتجانس الخليط معاك ! طبعا عشان الحمام المائي اللي سويناه .. بيكون الخليط حار فــ لازم تبردينه في حمام ثلج قبل لا تضيفي الدريم ويب ! أو انتظري لحد ما يفتر شوي .. وع بال ما تكون الطبقة الثانية من الحلى بردت وتماسكت ..~ هذي صورة الدريم ويب بعد ما بردنا الخليط وأضفناها له ..~ حركي مضبوط لحد ما يغلظ القوام ويصير كثيف ويصبح معاك بهالشكل جيبي حبات الأوريو .. وافصليها عن بعض ( بيطلع معاك 10 حبات فردية ) غمسيهم في شوية حليب بارد وحطي في كل كاس حبه وحدة بعدين صبي خليط الشوكليت ورجعيها الثلاجة ! ▨▨▨▨الطبقة الرابعة : الخليط الأصفر▨▨▨▨ 2 علبة قشطة 2 باكيت كريم كراميل ظرف دريم ويب 2 ملعقة طعام حليب بودرة 10 حبات بسكويت بالسمسم 2 حبة فقط جالكسي منيتشرز عشان نكسر لون الخليط وما يكون أصفر مرة اخلطي المقادير مع بعض ما عدا البسكويت .. وما يحتاج حمام مائي ولا شيء بس لو محتاج سكر أضيفي ملعقة صغيرة وحدة بس حسب رغبتك ! جيبي بسكويت السمسم وغمسيه في الحليب ع خفيف وحطيه بالكاسات فوق خليط الشوكليت بعدين صبي خليط الكريم كراميل بالتساوي ورجعيه الثلاجة وخليه 6 ساعات لحد ما يبرد ويتماسك ..~
▨▨▨▨التزيين والصور النهائية ▨▨▨▨ لتزيين الحلى .. جمدي 10 حبات جالكسي منيتتشرز وابشريها بواسطة سكين نصلها عريض عشان تطلع معاك بنفس الشكل اللي بالصورة وقبل التقديم بوقت .. وبعد ما يبرد الحلى ويتماسك .. حطيها ع الوجه مباشرة ومو شرط هالطريقة تقدري تستخدمي أي طريقة ثانية .. وإنتي وذوقك ..~ وهذي الصورة النهائية ..~ وباالهناااااااااااااء والعااااااااااااااااااااافية