يبت لكم اليوم حلى في كاسات و فيه خط عوي:35: (مايل) راح تجوفون الصوره و تفهمو قصدي اوكي يله ما اطول عليكم
هاي شكله
المقادير :المقدار على حسب الكميه ألي انتي تبين تسوينها و تقدرين تغيرين في مقادير الكريمه)
جلي فراولة+1/2ك ماي ساخن+1/2ك ماي بارد
دريم ويب
حليب سائل(شويه)
كيري
قيمر
انواع مكسرات محطونه او بسكويت شاي مطحون بس انه حطيت مكسرات للتغير
الطريقه:
اول شي تذوب الجلي في الماي و تخلينه في حرارة الغرفه لين يبرد عدل و بعدين اخذي الكاسات و حطي فيهم شويه جلي و حطيهم في الثلاجه بشكل مايل على جدار الثلاجه من داخل (انه تربعت جدام الثلاجه و قعدت اصب في الكاسات و اثبتهم مايلين )و إذا ثلاجتج الرف مالها سيم حديد و الله مادري شنو تسمونه انتو بس يكون احسن و انتي حاولي تثبتينهم بأي شي و بعد ما يجمد الجلي حطي مقادير الكريما في الخلاط و خلطيهم و بعدين صبي شوي من الكريما في الكاسات و نثري على السطح مكسرات او بسكويت مطحون و تقدرين تغمسين اوريو في حليب و تحطينه على الويه و اتمنى انكم فهمتو علي و اي استفسار انه في الخدمه و اتمنى يعجبكم .:27:
انطر ردودكم الحلوه ألي مثلكم:26:
اول ماقريت كلمة (عوي) مافهمتها بس بعدين عرفت
تسلم ايدينك يامبدعه
شغلك يجننننن