كيفكم ياحوائيات جبت لكم حلى كيكه الشعيريه الباكستانيه اللي انا من عشاقها وان شاء الله يعجبكم صراحة كل من ذاقه اخذ طريقه وهو مرة سهل ما اطول عليكم ندخل على المقادير والطريقه مع بعض
في الخلاط
2بيض
علبه قشطة
كاس سكر
ثلث كاس زيت
ملعقه باكنج بودر
رشه فانيليا
نخلطهم مع بعض ونصبها في وعاء ونكسر الشعيريه كسر صغيرة ونخلطهم سوا
نتركهم عشر دقايق لين تشرب الشعيريه الخليط بعدين ندهن صينيه الفرن بالزيت ونصب فيها الخليط
وندخلها الفرن من ثلث الى نصف ساعه
وفي هذا الوقت نعمل التوفي يذوب نص كوب سكر على النار حتى ياخذ اللون الذهبي ثم نضيف ربع باكيت زبدة ويحرك جيدا ثم تضاف القشطة وتحرك حتى تذوب ويصب التوفي على وجه الكيك وتقطع وتقدم
وهذا شكل الكيك مع التوفي من قريب
اتمنى يعجبكم وتوروني تجاربكم
تقبلوا دعواتي
وبالهناء والعافيه
شكلها جنان..
جاااري التنفيذ تسلمى حبيبتي