امس عملت حلى كيك اليمامة بالدريم ويب والنسكافيه والبسكوت
والنوتيلا والاوريو ..
والطعم خراااااااااافي مرررررة يجنن ماتوقعت الطعم ماشاءالله
اعجب زوجي وعيالي كلهم الحمدلله ..
اليكم المقادير والطريقة معا :
اول شي نحضر كرتون كيك اليمامة اللي بطعم الكاكاو
او اي نكهة ثانية تحبون وبعد كذا نفكها ونصفها
في صينية بايركس مستطيلة واهم شي
تكون كريمة الكيك على فوق يعني نصفها
ووجه الكريمة اللي ع الكيك يكون فوق
وهذي الطبقة الاولى
وبعد كذا نجهز الخلاط ونضع فيه قشطة و 2ظرف دريم ويب
وقليل من الحليب السائل البارد وملعقة صغيرة نسكافه
ونخلطهم لحد مايتكون عندنا رغوة كبيرة وهذا اهم شي
بعد كذا
ناخذ نص الدريم وندهنه على الكيك
وهذي تعتبر الطبقة الثانية
وبعدين نحضر بسكوت شاي اولكر او اي نوع تحبوه ونغمسه بحليب دافي
ونرص البسكوت على الطبقة الثانية
وهذي هي الطبقة الثالثة
وبعدها نروح للدريم المتبقي في الخلاط ونضيف عليه ملعقتين كبيرة نوتيلا
ونخلطهم جيدا واذا صار الخليط ثقيل نزيد عليه قليل من الماء البارد
لحد مايتسهل علينا خلطه ويكون لاثقيل ولاخفيف
اهم شي يكون مثل الكريم
وبعد الخلط جيدا نسكبه على البسكوت
وبكذا تكون الطبقة الاخيرة
نرش عليها بسكوت اوريو المجروش
وبعدها نرش عليهم مغلف نسكافه أو ألي كافيه 3 في 1
نرشه على كامل الوجه ونجمله بالشوكوبوبس وسائل الهيرشي
وندخلها الثلاجة ونخليها تبرد لمدة ساعتين او اكثر
بس انا استعجلت عليها وخليتها ساعة :06:
عشان كذا سايحة شوووي ..
المهم تقطع وتقدم بالصحن وبالهناء والعافية ..
