كل عام وانتو بخير وصحةة وعآفية يارب
الحلى هذا سالوني عنه وقلت انزله لكم ^^
المقادير //
1) كاس سميد+ كاس حليب بودة
2) فنجان شاهي جوز الهند+نص كاس زيت + نص كاس سكر+بيضة+ملعقة كبيرة بيكنج بودر + علبة قشطة
3) حليب محلى كبير+ 4 حبات جبنة كيري + 1 كريم كراميل
اول شي ناخذ مقادير (1) ونحمصها مع بعض عالنار لحد مايصير لونها قريب العسلي
نرفعها عن النار ونخليها على جنب ،
نجي لرقم (2) ونحطها بالخلاط نخلطها تمام
ونحط اللي خلطناها بالخلاط على رقم (1) ونخلطهم مع بعض
ونحطها بصينية وندخلها الفرن ونشغل بس من تحت من فوق لا
وبعد ماتستوي نطلعها انا جلست اشوف بالسكين استوت والا لانها شوية بطيئة ويمكن عشان انا نزلت عالنار
بعد كذا ناخذ رقم (3) ونخلطها بالخلاط نخلط تمام
ونصبها عالصينية
ندخلها الفرن ونشغل من فوق بس وانتبهوا لانها علاطول تتحمر
وبعد مانخرجها تكون بالشكل هذا الى ان تبرد وندخلها الثلاجة
وهنا بعد ماتقطعت :23:
بس احب اقولكم على نقطة انه مرة ماشاء الله حلو حلو لانه فيه حليب محلى كبير وسكر فلاتستغربوا من كمية الحلى ^^
وقبل ماتبداون فيه ادهنوا الصينية بشوية زيت يعني مسح بالاطراف عشان ماتمسك بالصينية
وصحتين على قلوبكم
وان شاء الله يعجبكم
ماشاء الله تبارك الله
اللهم صل وسلم على سيدنا محمد وعلى آله وصحبه اجمعين
سبحانك اللهم وبحمدك اشهد ان لا اله الا انت استغفرك واتوب اليك )