اخواتي الفاضلات مساكم الله بالخير:
من زمان ماحطيت موضوع في قسم الحلويات علشان كذا اليوم جيت وجبتلكم نوعين من الحلى
الحلى الاول :
حلى قهوه لذيذ ان قلتي طعم او شكل شكله روعه عند التقديم وطعمه لذيذ طريقة الحلا اخذته من احد الخوات في المنتدى جزاها الله خير
نبدا بسم الله :
بقول المقادير والطريقه سوا:
اول حاجه جيبي كيك ساريتا او امريكانا وقطعيه شرائح وصفيه في البايركس وشربيه شوي حليب
بعد كذا اخلطي في الخلاط :
4حبات كيري
علبة قشطه
2ظرف دريم ويب
وصبيهم فوق الكيك
بعدين صفي فوقهم بسكويت اولكر بالسمسم اعتقد انه معروف ودخلي الصينيه الثلاجه لحد مايتماسك
بعد كذا جيبي كاس ماء حار واخلطي معه ظرف كريم كارميل وخليه يفتر شوي وصبيه بالملعقه وبحذر على البسكويت ودخلي الصينيه الثلاجه لحد مايتماسك
قطعيه دوائر بواسطة القطاعه او بعلبة بكنج بودر فاضيه وقدميه بالهناء والعافيه
الحلى الثاني اخذت طريقته من احد كتب الطبخ بس طعمه لذيذ ان شاء الله تجربونه ويعجبكم :
المقادير والطريقه:
صفي اي نوع من الكيك يمامه مثلا انا استخدمته لانه هو اللي كان متوفر عندي
واخلطي في الخلاط:
علبة قشطه
نصف كوب حليب
6حبات جبنه كيري او مايعادلها من جبنة فيلادلفيا
20حبة بسكويت شاي
سكر حسب الرغبه
اخلطي المقادير كلها في الخلاط وصبي نصف الخليط على الكيك وبعدين صفي طبقة بسكويت شاي وصبي بقية الخليط
زينيه بالشوكولاته المبشوره او هرشي السايل ودخليه الثلاجه حتى يبرد وعلى فكره ترى هذا الحلا حلا عشاء
وهذي صورته
معليش ماصورته لكم بعد التقطيع بس اضمن لكم ان طعمه لذيذ
وبالهناء والعافيه ولاتنسونا من ردودكم الحلوه ودعواتكم الصالحه
تحياااااااااااتي
اتشرف اكون اول رد
لاهنتي يالغلا