السلام عليكم جميعا
جايبه لكم طريقة حلو مره لذيذ وما اشبع منه ابد ابد
المكونات
الطبقه الاولى علبتين بسكويت شاي مطحونه ناعمه & علبة قشطه اي نوع عادي & وشوية مويه نعجنهم سوا ونفردهم في صينيه بايركس وسط
الطبقه الثانيه نخلط علبة زبادي & واربع ملاعق سكر & وخمس او ست ملاعق حليب بودره مع بعض ونصبهم على الطبقه الاولى وندخلها الفرن من فوق شويات بس عشان تمسك في بعض لاتخلونها تطول ترا تحترق بسرعه
والطبقه الثالثه والاخيره ظرف كريم كارميلا & وكاسه ونص تقريا مويه مع ملعقه صغيره كاكاو بودره نحطهم عالنار ونحركها شوي وقبل تغلي نصبها بملعقه وبشويش مره عالطبقه الثانيه ودخلوها الثلاجه ساعه بالكثير وتكون الصينيه جاهزه للتقديم
ملاحظه:خلال محنا نسوي الكريمه ندخل الصينيه بالثلاجه تبرد شوي. وعليكم بالعافيه واللي تسويه تخبرني عجبها والا لا والصوره بالمرفقات والله الله بالردود السنعه والتقييم
أموون @amoon_14
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة