السلام عليكم اخواتي الحبيبات
هذي اول مشاركة لي في هذا المنتدى والصراحة انا من اشد المعجبات بهذى المنتدى ومن المتابعات لة من زمان المهم انا اليوم جايبة لكم طريقة حلى جدا سهل ولذيذذذذذذذ وانا متأكدة انة راح يعجبكم وراح تدعون لي ماراح اطول عليكم ولو اني عارفة اني طولت عليكم
يالله نبداء
المقادير
1 بسكوت شاي مطحون
زبدة
قشطة
2 بسكوت مارس
1 بسكوت جلكسي سادة ( ابو ريالين)
حليب نستلة
جبنة كيري
الطريقة
اول شي نخلط البسكوت المطحون مع الزبدة وملعقة او ملعقتين قشطة مع بعض ونرصهم في الصينية بايركس
الطبقة الثانية نذوب المارس والجالكسي و4 معالق او اكثر قشطة في حمام مائي ولما يذوب نضعها فوق طبقة البسكوت ونستنا لما يبرد
والطبقة الثالثة نخلط ربع او نص حليب نستلة مع 4 او 6 حبات جبنة كيري او المراعي ونضعها فوق الطبقة الثانية وبعدين ندخلها الثلاجة لمدة اربع او 3 ساعات لحد مايتماسك الحلى
وبعدين يزين بجلكسي مبشور او اي شي تحبينة
ملاحطة هذي المقادير بانسبة لصينية بايركس الصغيرة
يعني تقدري تزودي المقادير على حسب الصينة الي عندك
هذا الحلا من اختراعي اقسم بالله والله على مااقول شهيد اتمنى يعجبكم
اذا اعجبكم ابغى من كل وحدة جربتة تدعيلي ان الله يحفظ لي اولادي ويهديهم ويحفظ لي زوجي ويسهل لي ولادتي ان شاء الله
اتمنى انكم تردون علي اذا اعجبكم
وشكرا ودمتم في حفظ المولى :26:
أيلانة @aylan_9
عضوة جديدة
يلزم عليك تسجيل الدخول أولًا لكتابة تعليق.
تسلمين أختي على السويت الحلو بس لو حاطه الصور عشان أنشوفه اللهم أحفظ لها زوجها وأطفالها وقومها بالسلامه ****الله:cook:
الصفحة الأخيرة
ماشاء الله تبارك الرحمن:)