جايبتلكم اليوم حلى من اسهل الحلويات اللي سويتها في حياااتي واحلاهم كمان
واللي يعجبني فيه اني اسويه قبلها بيوم اذا عندي عزيمة ومايتغير طعمه
وينفع حلى قهوه او حلى سفره
يالله تفضلوا المقاديررر
اصباع الا ربع زبده
8كيري
علبة الا ثلث نسلة كبيره
12حبة بسكوت اولكر ساندوتش
شراب الشوكولاته
لوز شرايح (محمص)
الطريقة
تكسري البسكوت الاولكر وتحطيهم في صينية
وتصبي عليه الزبده السايحه بتساوي (لان تحررريك البسكوت ممممنوع)
وتكوني مشغله الفرن من تحت قبلها بكم دقيقه
وتدخليه الفرن 5 دقائق فقط
وترجعي تطلعيه
وتخلطي النسلة مع الكيري وتصبيه فوق البسكوت بالتساوي برضوا ومن غيررر ماتقلبي البسكوت
وتدخليه الفرن 10 دقائق
وبعدها تدخليها الفريزر حق ساعه ساعتين او حتى لو قبلها بيوم يعني الى المرحله هذي ممكن يتفرزن
واخر شي وهذي الخطوه افضل تعمليها قبل التقديم (عشان اللوز المحمص يفضل يقرمش معاك مايلين )
تحمصي اللوز الشرايح على النار بشوية زبده او زيت او من غير شي
وتوزعيه فوقها وتزينه بشراب الشوكولاته يمي يمي
وسلالالامتكم كذا الحلى جاهز وان شالله يعجبكم
اسفه ماصورته بعد ماقطعته لاني كنت ماخذته لناس :42:
وان شالله تجربوووه وتدعولي
حلا سهل واكيد الطعم حلو