حلى مدري ايش اسمه بس يهبببببببببببببل جربوووه وماراح تندمو

السلام عليكم يالغاليات

اليوم جايبتلكم حلااا لما تذوقوه بتصيرون كذا:icon32: من حلاته

المهم انا جبت المقادير من صديقتي بس غيرت فيها بعض اشياء ماكانت موجودة عندي


المقادير
كوبين حليب نيدو يحمس على النار مع التحريك على نار هاااادئة حتى يصير لونه ذهبي
في الخلاط يوضع:
4 بيضات
كوب سكر ناعم
نصف كوب زيت
علبة قشطة التاج
ملعقة كبيرة بكينج بودر
ذرات فانيلا
طبعا انا قدرت بقلاصات الجبن السايل الصغير
^^^^^^^^^
بعد ماتخلصون وتخلطون المقادير في الخلاط
تضعين المقادير المخلوطة على الحليب المحمس وتحركين المقادير بالملعقة حتى يصبح زي الكيك ثقيل شوي
يوضع ثلاث ارباع المقدار في االصينيه ماتكون كبيرة يعني وسط
وبعدين:
تجيبين بسكويت شاي اي نوع انا استخدمت ابو ميزان اللي يجي فيه خمس حبات في الكيس
المهم تغمس كل حبه في حليب بارد < سائل > وتوضع في الصينية فوق المقادير الاولى
نحضر المقدار المتبقي من المقادير ونضعها فوق البسكويت

ثم يوضع في الفرن لمدة ربع ساعه على حرارة متوسطه
******************
في هالفتره
جيبي كيس كريم كراميل حطي ربع الكيس بس
و5 جبن كيري
وقشطة التاج
ودريم ويب
اخلطيها في الخلاط واذا شفتيها ثقييلة مرره خففيها بحليب سائل
واذا خفيفة اضيفي حليب جاف
المهم انها تصبح موسايله يعني متماسكة شوي
****** بعد ماتخرجين الصينيه من الفرن
تضعين المقادير الجديدة المخلوطه فوق الكيك

وترجعين تحطيه في الفرن خمس دقائق

طلعيه من الفرن وحطيه على طول بالفريزر حتى تتماسك طبقة الكراميل
^^^^^^
في الفترة هذي حضري
نص ملعقة كاكاو
نص كوب حليب سايل
ربع كوب سكر ناعم
اخلطي المقادير هذي مع بعض
**
بعد ماتتماسك طبقة الكراميل في الفريزر << لازم تتماسك
حطي عليها رشات من الكاكاو اللي سويتيه رشاات بس مو تسكبيه كله
ورجعيها بالفريزر
واذا بتزينيها حطي عليها فستق
*******************

خليها ربع او نص ساعه حتى تتماسك
وذوقييييها :icon810:
ولا تنسين اهلك وجيرانك
والله تعبت من الكتابه
جربووها يا بنات وادعووووولي
لا تكسفوني وتخلوني اندم على اني كتبتها لكم

على الاقل ردولي بسسسسسسسسسسسسسس



سي يو :icon35: