السلام عليكم ورحمة الله وبركاته
الحلى اللي بعطيكم اياه لذيذ جدا صراحه انا معرف وشسمه؟ لكن ذقته من وحده سوته وعجبني واخذت طريقته وقلت احطه لكم بالمنتدى
نبدا على طول بالمقادير والشرح ..<< متحمسة جدا
طبعا المقادير والاداوت المطلوبه هي كالتالي :
علبة كيك بتي كروكر بالشوكلاته
4 اضرف كريمة دريم ويب
4 حبات جبن كيري
علبة حليب نستلة محلى
حليب سائل
بسكوت دايجستف بالقمح
شوكولاته جالكسي سادة
نصف اصبع زبدة
علبة قشطة
نبدا الطريقة :
اولا: نحضر الكيك على حسب التعليمات المرفقه على العبوه ونخبزه في الفرن ويراعى استخدام صينه مستطيلة كبيره عشان الدائريه بتنفش الكيك وينشق من الوسط طبعا هذي صورة للكيك والصينيه قبل الخبز
ثم بعد ذلك نخرج الكيك من الفرن ونتركة يبرد شوي ثمن نغمس قطع بسكوت دايجستف بالحليب السائل وترص فوق الكيك مثل الصوره هذي ويدخل الثلاجه او يترك بمكان هاوي
ثم نقوم بتجهيز الكريمه في جهاز اعداد الطعام نضع 4 اظرف كريمة دريم ويب +4 حبات جبن كيري +2 بيالة شاي حليب سائل + 2 بيالة شاي حليب مركز ومحلى تخفق جيدا حتى تصير منفوشة
ثم توضع على وجه الكيك بالتساوي
ثم تدخل الثلاجة لتبرد تمام أثناء تبريد الكيك والكريمه نجهز الشوكولاته الغطاء الخارجي
نضع في قدر صغير 4 حبات جالكسي ساده + نصف اصبع زبده ثم توضع على النار الخفيفه مع التحريك المستمر عشان لاتنحرق الشوكولاته ثم نضيفالقشطة بعد تمام ذوبان الشوكولاته
نترك المزيج يبرد قليلا
ثم نضعه فوق الكريمه البارده ونوزعه بالتساوي على كامل الصينيه وندخلها الثلاجه لتبرد تمام
بعد كذا نصب على وجه الشوكلاته قليل من الحليب المحلى كزينه فقط وممكن تزينيها باي شي تحبينه
وهذا الشكل النهائي للحلو
وبالعافيه عليكم ولاتنسون القهوه
دعوواتكم باقي عن الامتحانات النهائيه اسبووع مابي ردود ومابيكم تكتبون الدعوه هنا كل وحده تدعيلي بقلبها بالنسسبه الزينه والتووفيق بس هذ اللي ابيه طبعا انا راح اغيب فرة عن المنتدى بسبب الاختبارات الغثاء هذي<وحده حاقده عالدرااسه ههههههه يسعدكم ربي ويحقق لكم مرادكم ويرزقكم اللي تتمنوونه استوودعتكم الله الذي لاتضيع ودااااائعــــــــــــــــه
مع السلاااامه
وسامحووني اذا زعلت وحده او مارديت عليها اوسالتني بحاجه بمواضيعي ومارديت عليها فالعذر والسموحه ادري طولت عليكم اسفه
مع السلااااااامه
