حلى من اختراعي بسيط وسهل (ينفع للازمات)

السلام عليكم ورحمة الله وبركاته

في يوم من الايام دق واحد من اصحاب زوجي وقال انه بيجي يتعشى عندنا طبعا هو مادق الا العصر ماعاد يمديني اسوي ومو كل اغراض الحلا متوفره عندي وزوجي وقتها كان بالدوام فتحت الدولاب لقيت بعض الاغراض اللي تنفع للحلويات زي البسكويت والقشطه وما الى ذالك فقررت اني اخترع حلا:unsure: طيب نبدا بالحلا

المقادير:
1-
علبة بسكويت اولكر انا ماكان عندي فاستبدلته ببسكويت ماري دواير
حليب للتغميس
2-
علبة زبادي
7ملاعق حليب بودره
3فناجيل سكر ناعم
3-
علبة قشطه
ملعقة نسكافيه مذوبه في ملعقة ماء
ظرف كريم كراميل
ظرفين دريم ويب
ربع كوب حليب طازج

الطريقه:
نرص البسكويت بعد غمسه بالحليب بالصينيه



ثم نخلط مقادير2بالخلاط ونصبها فوقها وندخلها الفرن من فوق بس شوي مانخليها تتحمر اهم شي تتماسك انا حمرتها شوي



ثم نخلط مقادير 3 بالخلاط لحد ماتتماسك ونصبها فوقها وندخلها الفريزر تجمد انا كنت مستعجله فدخلتها الفريزر والتزيين كنت ابي اسوي زي حلى السجاد بالبسكويت والجوز بس للاسف الكميه كانت قليله واعذروني ماقدرت اصورها في الصحون لاني كنت مستعجله جدا جدا


وهذي صورة الحلا
صراحه طعمه كان روعه كنت ناويه اسوي البسكويت مطحون مع زبده بس كانت كمية البسكويت عندي قليله وماعندي زبده فاطريت اني اسويه كذا بس حسيت طعمه احلى من المطحون

جربوه ان شاء الله يعجبكم

بانتظار ردودكم:cook: